• Mehˇ nmˇ zaˬ miˬ aˬ buˇ deuˬ˗ahˇ ngehˬ gʼeh nehˬ
    Loꞈ˗eu nymˇgoˇ (Dzaw dmˬ)—2020 | Gʼoeˬ siˬ ba la
    • Yeˬsuˇ nuiˇ˗awˇ aˬ yawꞈ˗euˬ aˬ kuiˇ dawˬ peh nuiˇ luꞈ˗eu Maˬta hawˇ˗eu Maˬliˇ˗ahˇ dawˬ mehˬ mehˬ luꞈ. 1. Miˬ sawˇ yo zaˬ tiˬ gu jawˇ saˇ yaw kʼaˆ˗ehˇ maˬ doˆ˗eu mehˇ nmˇ tiˬ gʼaˬ˗euˬ iˇ kahˇ˗ahˇ gʼa leˇ. Kʼaˬ dzeˇ zaˬ gʼaˬ aˬ yawꞈ nehˬ˗ehˇ ngehˬ cawˬ luꞈ ngeh, miˬ zaˬ gʼaˬ naˇ mˇ myawˬ laˆ luiˆ caw nehˬ. 2. Miˬ sawˇ yo zaˬ tiˬ gu, mehˇ nmˇ nyiˬ nyaꞈ ma zaˬ nehˬ˗ehˇ laˬ kʼaˬ tiˬ cehˇ nymˇ jiˇ uˬ duˬ tahˬ luꞈ. 3. Mehˇ nmˇ aˬ da tiˬ gʼaˬ, mehˇ nmˇ zaˬ miˬ aˬ buˇ nyiˬ gʼaˬ˗ahˇ lawˬ liˬ aˇ beuˆ laˆ paˇ nehˬ luꞈ.

      Yeˬsuˇ loꞈ˗ehˇ duˇ ni, aˬ dui jiˇ saˇ jaˇ ziꞈ˗eu mehˇ nmˇ zaˬ miˬ aˬ buˇ deuˬ˗ahˇ gaˬ˗awˇ kʼahˬ lahˇ˗eu lehˇ bi siˬ (Aˇ deuˆ 6-9-ahˇ haw)e

      6. Luˇkaꞈ 10:38-42-ahˇ haw ngeh, Yeˬsuˇ Maˬta hawˇ˗eu Maˬliˇ˗ahˇ aˬ joˆ˗ehˇ caw ba˗euˬ nga?

      6 Yeˬsuˇ Miˬyehˇ˗euˬ gaˇ mˇ˗eu zaˬ miˬ aˬ buˇ deuˬ˗ahˇ aˇ yamˬ biꞈ˗awˇ, aˬ yawꞈ maꞈ˗euˬ maˇ diˇ cawˬ pyeuꞈ˗eu meh. Yeˬsuˇ teu ngeh maˬ sheuˬ dahˬ dzaˬ˗euˬ gaˇ duˇ˗eu Maˬliˇ hawˇ˗eu Maˬta nehˬ˗ehˇ cawˬ cawˬ˗eu meh. (Luˇkaꞈ 10:38-42-ahˇ gui.) Yeˬsuˇ neh Maˬliˇ hawˇ˗eu Maˬta˗ahˇ ngehˬ˗awˇ mˇ nehˬ˗euˬ jeˬ, aˬ yawꞈ nyaꞈ˗ahˇ nui ma bi shaˇ˗eu meh. Yaw jeˬ ma jeˬ, Maˬliˇ Yeˬsuˇ˗euˬ zaˬ lahˇ tiˬ gʼaˬ pyeuꞈ˗eu miˇ nah, Yeˬsuˇ˗euˬ aˬ kuiˇ dawˬ peh ya nuiˇ gaˇ nui ma saˇ˗eu meh. c Kʼoeˇ naˇ Maˬta jiˇ Maˬliˇ gʼawˬ nyoeˇ maˬ jahˇ caw˗eu miˇ neh nui ma pehˇ ngeh, aˬ yawꞈ Yeˬsuˇ˗ahˇ aˬ joˆ˗ehˇ noeˬ nya lehˇ ehˇ nehˬ peuˬ˗eu meh. Teu ngeh Yeˬsuˇ aˬ yawꞈ nyaꞈ˗ahˇ aˇ yeˇ huiˬ˗eu gaˇ kawˆ gʼawˬ mya jeˬ ehˇ nehˬ˗euˬ meh. Kʼoeˇ naˇ, aˬ yawꞈ Maˬta Maˬliˇ hawˇ˗eu Laˬzaˬluˇ˗ahˇ kʼahˬ lahˇ˗eu lehˇ bi siˬ˗eu gʼaˇ duˬ, aˬ yawꞈ maꞈ jawˇ gaˇ gʼawˬ mya poˆ˗iˇ˗euˬ meh. (Yoˇhaˬ 12:1-3) Teu miˇ neh aˬ dui Maˬta hawˇ˗eu Maˬliˇ, Laˬzaˬluˇ naˇ dui dui ngeh Yeˬsuˇ˗ahˇ caw ba nehˬ laꞈ lehˇ shaˇ leˇ gaˇ maˬ zahˬ leˇ.—Yoˇhaˬ 11:3, 5.

  • Mehˇ nmˇ zaˬ miˬ aˬ buˇ deuˬ˗ahˇ ngehˬ gʼeh nehˬ
    Loꞈ˗eu nymˇgoˇ (Dzaw dmˬ)—2020 | Gʼoeˬ siˬ ba la

    • c Jaˇliꞈ˗ahˇ ngehˬ keuˆ˗eu paˇ dmˬ tiˬ dmˬ˗ahˇ ehˇ˗eu “Aˬ myah myah naˇ zaˬ lahˇ deuˬ saˬ laˬ˗euˬ aˬ kuiˇ dawˬ peh nuiˇ˗eu teu naˇ, aˬ yawꞈ maꞈ mehˬ hu paw saˬ laˬ geuꞈ˗eu lehˇ lehˬ hmˬ˗eu gʼaˇ duˬ meh. Ehˇ kʼawꞈ, teu ngeh saˇ ka˗ahˇ zaˬ miˬ aˬ buˇ deuˬ saˬ laˬ geuꞈ˗eu aˬ kawˬ˗aˬ maˬ jaˆ˗a. Teu miˇ neh, Yuˇdaˆ˗euˬ zaˬ yo aˬ li myaˬ tiˬ paˆ Maˬliˇ neh jahˇ˗euˬ jeˬ˗ahˇ ya mawˇ ngeh zahˬ leˇ dui dui˗eu yaw duˬ baw meh.”