Dawˬ caˇ 54
“Gaˇ ma heu kahˇ meh”
(Iˇsaˬyaˇ 30:20, 21)
1. Nui saˇ oꞈ eu gaˇ ma
ahˇ aˬ dui ya siˬ nya.
Gaˇ ma heu kahˇ gaˇ
hu ba neh jaˆ ka leꞈ euˬ.
Yeˬsuˇ teˇ saˇ ya gaˬ aˬ dui
heu kahˇ cah ngeh.
Nui saˇ gaˇ ma Yeˬhawˇbaˬ
dawˬ laꞈ kʼoeˇ ya mawˇ.
(Caˇ poˆ)
Gaˇ ma heu kahˇ dehꞈ jeˬ gaˇ ma pyeuꞈ meh.
Gaˇ dzeˇ taˬ haw tiˬ kʼehˬ kʼawꞈ taˬ ciˬ pyawˇ.
Miˬyehˇ ehˇ eu ‘Gaˇ ma heu kahˇ meh.
Nahˇ gʼoꞈ taˬ gʼoꞈ gaˇ ma heu kahˇ pyeuꞈ meh.’
2. Gaˬ eu gaˇ ma yawˬ gaˇ
yawˬ poˆ iˇ eu maˬ loˬ.
Miˬyehˇ teˇ saˇ gaˇ ma
mehˬ nehˬ laꞈ meh nawˬ ahˇ.
Aˬ yawꞈ nui gaˬ yaw muiˬ,
yaw tsaˬ lmˇ boˬ ni gʼeh.
Gaˬ eu gaˇ ma gʼoeˇ eu
gaˬ eu laꞈ kʼoeˇ neh mˇ.
(Caˇ poˆ)
Gaˇ ma heu kahˇ dehꞈ jeˬ gaˇ ma pyeuꞈ meh.
Gaˇ dzeˇ taˬ haw tiˬ kʼehˬ kʼawꞈ taˬ ciˬ pyawˇ.
Miˬyehˇ ehˇ eu ‘Gaˇ ma heu kahˇ meh.
Nahˇ gʼoꞈ taˬ gʼoꞈ gaˇ ma heu kahˇ pyeuꞈ meh.’
3. Dehꞈ eu gaˇ ma heu kahˇ
meh taˬ paˇ haw kʼoꞈ gʼeh.
Miˬyehˇ ehˇ eu heu kahˇ
taꞈ˗ehˇ muiˬ dzehˬ eu maˬ jaˆ.
Heu naˆ maˬ tseˇ nui saˇ
oꞈ eu tiˬ gaˇ maˬ jaˆ.
Mˬ taˆ jawˇ eu aˬ dui
Aˬda ahˇ guiˬ lahˬ huiˬ.
(Caˇ poˆ)
Gaˇ ma heu kahˇ dehꞈ jeˬ gaˇ ma pyeuꞈ meh.
Gaˇ dzeˇ taˬ haw tiˬ kʼehˬ kʼawꞈ taˬ ciˬ pyawˇ.
Miˬyehˇ ehˇ eu ‘Gaˇ ma heu kahˇ meh.
Nahˇ gʼoꞈ taˬ gʼoꞈ gaˇ ma heu kahˇ pyeuꞈ meh.’
(Ceuˬ. 32:8; 139:24; Dawˬ. 6:23-ahˇ haw.)