Iˬ baˇ pyehˬ

1. Yeˬhawˇbaˬ gaˬ laꞈ kʼoeˇ

yawꞈ euˬ Zaˬmaˇ ahˇ zmˬ meh.

Dui shiˇ eu jeˬ ahˇ gʼaˬ leˇ awˇ,

iˬ baˇ˗ahˇ neh dui dzeuˇ iˇ ni.

Aˬ dui maꞈ noeˬ poˆ noeˬ paˇ ngeh,

aˬ yawꞈ jiˇ dui˗ahˇ iˬ baˇ pyehˬ.

Ka li euˬ ka kʼoꞈ jeˬ ahˇ gʼoe˗awˇ,

yawꞈ tsawˇ myahˇ˗ahˇ iˬ baˇ shaˇ pyehˬ.

2. Miˬyehˇ loꞈ˗ehˇ aˬ dui maꞈ

tiˬ gʼaˬ tiˇ gʼaˬ iˬ baˇ pyehˬ.

Dui nui ma jeˇ lo taˬ awˇ neh,

gaˬ awˇ neh ya gʼoˆ shaw nehˬ.

Tiˬ gʼaˬ ahˇ tiˬ gʼaˬ dui oˇ oꞈ.

Nui ma naˇ jeˬ kʼawꞈ byehˇ dzeh.

Gaˬ mehˇ nmˇ deuˬ ahˇ yaw zeu taˬ.

Zawˇ ma˗ehˇ muiˬ nui gaˬ mˇ nehˬ.

3. Muiˬ eu gʼawˬ shaˬ gaˬ jeˬ,

yaw muiˬ paˬ˗ehˇ aˬ dui haw piˇ.

Heu naˇ aˬ dui maꞈ tsaˬ leˇ ni,

maˬ byehˇ dzeh ni caw ba nehˬ.

Nui gaˬ mˇ mehˬ˗eu Yeˬhawˇbaˬ ahˇ,

aˬ dui dzaw geuꞈ maˬ byehˇ ni.

Nui ma keuˆ˗awˇ dui iˬ baˇ pyehˬ naˇ,

Miˬyehˇ loꞈ˗ehˇ mˇ jeˬ pyeuꞈ meh.