Yeˬhawˇbaˬ nui saˇ oꞈ˗eu Miˬyehˇ

1. Miˬyehˇ gaˬ eu jeˬ pyeuꞈ.

Nui saˇ biꞈ ma lehˇ ehˇ taˬ.

Teu miˇ muiˬ jeˬ mˇ nya laˇ ni,

nga maꞈ ahˇ ngehˬ gʼeh nehˬ laꞈ.

Zaˬmaˇ saˇ jaˇ ziꞈ meh.

Aˬ yawꞈ ahˇ nga maꞈ jah jeˬ,

nawˬ nehˬ˗ehˇ cawˬ cawˬ nya ni caw ba.

Nui saˇ oꞈ nga maꞈ nawˬ nehˬ˗ehˇ.

2. Haw doˆ nya ni caw ba.

Nawˬ euˬ dawˬ loˬ yaw shehꞈ biꞈ.

Zahˇ tsui ni gʼeh miˇ tsaˬ laꞈ kʼoeˇ,

nawˇ nga maꞈ˗ahˇ sheuˬ gʼeh haw piˇ.

Kʼahˬ lahˇ hawˇ guiˇ deuˆ jeˬ,

maˬ jiˇ leˇ eu kʼoeˇ keuˆ ni,

nga maꞈ leh jeh jeˬ˗ahˇ guiˬ lahˬ biꞈ.

Aˬ myah luꞈ nui saˇ oꞈ ni.

3. Mˬ miˇ laꞈ kʼoeˇ jawˇ luꞈ˗eu,

nawˇ gaˬ eu deuˬ ahˇ laˆ uiˬ.

Miˬyehˇ Miˇkʼahˬ dzawˇ gaˬ iˇ ngeh,

nga maꞈ ahˇ mehˬ bawˬ bi gm.

Uˆ lahˇ tsaˬ eu Miˇkʼahˬ,

guiˇ deuˆ jeˬ byoˆ iˇ jiˇ meh.

Nahˬ yu gʼeh deuˬ laꞈ kʼaˬ ya cehˇ,

aˬ myah luꞈ nui saˇ oꞈ meh.