Muiˬ˗eu jeˬ˗euˬ seu dzeuꞈ aˇ gʼehˇ

1. Muiˬ eu Miˬyehˇ Yeˬhawˇbaˬ oˇ,

nga maꞈ˗euˬ tiˬ ziˇ guiˬ lahˬ biꞈ.

Muiˬ eu Miˬyehˇ nawˇ saˇ jaˇ ziꞈ,

nawˬ neh kʼaˇ mˇ jeˬ zawˇ˗ehˇ muiˬ.

Maˬ za geuˇ gaˇ keuˆ ni biꞈ nehˬ,

gʼawˬ shaˬ gaˬ˗awˇ muiˬ jeˬ mˇ nehˬ.

Uˬ duˬ tahˬ jeˬ˗ahˇ nawˇ za geuˇ meh.

Laꞈ kʼaˬ cehˇ nawˬ euˬ gaˇ mˇ.

2. Miˬyehˇ nawˬ neh tseˇ euˬ tsawˇ haˬ˗ahˇ,

nawˬ euˬ muiˬ jeˬ ahˇ ya mawˇ.

Yawꞈ maꞈ dehꞈ ziˇ dawˇ coe ni gʼeh,

laꞈ kʼaˬ cehˇ guiˬ lahˬ dawˬ mehˬ.

Nawˇ yaw muiˬ˗ehˇ mehˬ yaw muiˬ˗ehˇ bo miˇ,

nawˬ ahˇ ha geuꞈ deuˬ behˇ laˇ.

Nawˬ euˬ yaw sahˇ nga maꞈ˗ahˇ biꞈ laꞈ,

muiˬ eu jeˬ tehꞈ˗ehˇ bi mˇ laꞈ.

3. Gaˬ eu mehˇ nmˇ˗ahˇ mˇ nehˬ jeˬ ahˇ,

guiˬ lahˬ biꞈ nehˬ laꞈ nga maꞈ˗ahˇ.

Cawˬ naˆ maˬ tseˇ mehˇ nmˇ deuˬ ahˇ,

muiˬ eu jeˬ ya mˇ mawˇ meh.

Nymˇ jiˇ laꞈ kʼoeˇ aˇ muˇ laꞈ kʼoeˇ,

meuˬ hawˇ pu yawˬ gaˇ na luꞈ,

Miˬyehˇ baoˬ hawˇ guiˬ lahˬ biꞈ miˇ,

yawˬ gʼaˬ na˗ahˇ muiˬ jeˬ mˇ nehˬ.