Zaˬ Miˬyehˇ neh biꞈ˗euˬ laꞈ sawˬ pyeuꞈ

1. Kʼaˬ dzeˇ zaˬ aˬ da pyeuꞈ iˇ ngeh,

nymˇ jiˇ ahˇ miˬ zaˬ gʼaˬ kʼawꞈ zaˬ jawˇ le.

Zawˇ ma˗ehˇ muiˬ awˇ aˇ yeˇ huiˬ jeˬ pyeuꞈ,

laꞈ sawˬ heu yawˬ ha tehꞈ maˬ ngeuˇ˗a.

Yeˬhawˇbaˬ laꞈ sawˬ heu biꞈ gʼaˬ pyeuꞈ˗awˇ,

dehꞈ ziˇ hawˇ eu gaˬ eu jeˬ iˇ byoe pyeuꞈ.

Yeˬhawˇbaˬ Miˬyehˇ zaˬ cu gaˇ kawˆ,

aˬ da aˬ ma deuˬ ahˇ dzawˇ mehˬ nehˬ.

2. Miˬyehˇ neh mehˬ taˬ˗euˬ jeˬ dawˬ tawˆ,

aˇ myah luꞈ dui nui ma laꞈ kʼoeˇ bi ahˇ.

Aˬ buˇ aˬ li nui ma˗ahˇ mehˬ ahˇ nehˬ,

aˬ da aˬ ma˗ahˇ doˇ eu jeˬ pyeuꞈ.

Myah luꞈ yawꞈ maꞈ noeˬ taˬ leꞈ nya ni,

gaˇ ma cah ngeh gʼaˬ naˬ naˬ ngeh ehˇ nehˬ,

iˇ kahˇ jawˇ ngeh hawˇ yuꞈ ngeh mehˬ nehˬ.

Yawꞈ maꞈ guiˬ lahˬ za˗awˇ saˇ jaˇ ziꞈ meh.