Wema Ŋkɔtɔ ci Piɛ Ŋwlɛ
2 Eyi taɖo mítashi enudɔndɔn ɖekpokpui, amɛbleble, ayemɛnuwawa, ŋbia koɖo eɖyixoamɛ ɖekpokpui. 2 Shigbe vifinwo nɛɔ, enyɔ lɔ nɔshu eshimatɔ* le dronɔ mí veviɖe keŋ nɔ míato eyɛ ji yí ashin nɔ woahwlɛn mí gan, 3 ɖo míta Axwetɔ lɔ kpɔ yí kpɔ mɔ yɛnyɔ.
4 Ci míva eyɛ ci yí nyi ekpe agbuagbu ci amɛwo gbe gan yí etrɔgbɔ nyi amɛvevi ci Mawu can lɔ gbɔɔ, 5 míwoŋtɔwo mínyi ekpe agbuagbu ciwo yí wosɔ cukɔ gbɔngbɔn mɛ xɔ nɔ avɔnsasadɔ kɔkɔɛ keŋ nɔ míawanɔ gbɔngbɔn mɛ vɔnsa ciwo yí kpenɔ nɔ Mawu to Yesu Kristo ji. 6 Ðo Enuŋwlɛŋwlɛ lɔ nu mɔ: “Kpɔ̀ ɖa! Ŋsɔ ekpe ci ŋcan sɔ dodoɔ gu do Siɔn. Zoguijikpe vevi enyi nɔ gɔnmɛɖokpe, eyi mɛɖekpokpui ci yí axɔɛ ji se daɖu ŋkpɛn o.”
7 Eyi taɖo, míwo yí enyi enuvevi nɔ, ɖo míxɔ se; vɔ “ekpe ci exɔcutɔwo gbeɔ, eyi vatrɔ zoguijikpe vevitɔ”* nɔ mɛ ciwo dexɔ se o. 8 Évatrɔ “ekpe ci yí ado afɔbli amɛ koɖo ekpe ci yí ado dɔmɛzi nɔ amɛ” hɛnnɛ. Woklɛnklɛn nu, ɖo wodeɖokɔ to enyɔ lɔ o. Enu ci pɛɛ woɖo ɖɛ nɔ wo nɛ. 9 Vɔ míwoɔ, mínyi “amɛcancanwo, efyɔ ciwo yí nyi avɔnsatɔwo, jukɔn kɔkɔɛ, jukɔn vevi Mawu tɔ keŋ nɔ míadra” Mɛ ci yí yɔ mí so vinvin mɛ va klɛnklɛn nywi yitɔ lɔ mɛ “jijɔ nywiwo.”* 10 Ðo mídenyi jukɔn sa o; vɔ ecɛyɛɔ, mínyi Mawu jukɔn; wodeku ŋshishi nɔ mí sa o; vɔ ecɛyɛɔ, woku ŋshishi nɔ mí.
11 Amɛveviwo, ŋkplakɔ nu míwo ciwo yí nyi mɛdru ciwo yí li na nɔ hwenu kleŋ ɖe mɔ, míwo le gbe gbaza mɛ dro ciwo yí wakɔ ahwa koɖo mí.* 12 Míkpɔtɔ anɔkɔ agbe nywi le jukɔnwo mɛ keŋ nɔ wodo hwɛ mí mɔ míwonyi nuvɔnwatɔwo can ɔ, wowoŋtɔwo akpɔ edɔ nywi ciwo míwakɔ yí akanfu Mawu le azan ci gbe avale ŋkuvi do agbetɔwo nu.
13 Míkpɔ do Axwetɔ lɔ nu yí asɔ míwoɖekiwo hwe nɔ acɛkpakpa ciwo pleŋ agbetɔwo ɖo,* étɛnŋ nyi efyɔ ci yí wugan mí, 14 alo ejujikpɔtɔ ciwo yí edɔ ɖaɖa mɔ wo le dɔn to nɔ enubaɖawatɔwo keŋ akanfu mɛ ciwo yí wakɔ enunywi. 15 Ðo Mawu dro enyi mɔ míawanɔ enunywi yí asɔ ci enyɔ do nu nɔ* xlunɔ ciwo yí le enyɔmaɖotawo nukɔ. 16 Mínyi vovomɛwo yí míŋgbezan vovo lɔ asɔ cɔnkɔ nu do enudɔndɔnwawa o, vɔ mízin shigbe Mawu hwashiwo nɛ. 17 Míbu amɛwo pleŋ, mílɔn nɔviwo habɔbɔ lɔ pleŋ, mívɔn nɔ Mawu, míbu efyɔ lɔ.
18 Edɔwaviwo le sɔ wowoɖekiwo hwenɔ nɔ wowo xwetɔwo yí abunɔ wo shigbe lé eje do nɛ, denyi axwetɔ nywiwo koɖo ciwo yí senɔ nu gɔnmɛ ɖekɛwo yí woawɛni nɔ o, vɔ woawɛni nɔ axwetɔ ciwo yí enu dejenɔŋ nɔ hɛnnɛ. 19 Ðo nunywi enyi nɔ mɛɖe dodoɔ ji le cukaɖawo mɛ* yí kpekpeɛ fun do ŋɖemajɔ ji ci ejijiɛ mɔ yeaɖo ayexa mɛmi le Mawu gbɔ. 20 Ðo nɔ ényi nuvɔn yí míwa yí woxokɔ mí yí mídokɔ eji le mɛ ɖe, nyɔna ci yí le mɛɔ? Vɔ nɔ ényi nunywi ci míwa yí na yí míle efun kpekɔ yí dodoɔ ejiɔ, eyi jɔnɔ ji nɔ Mawu.
21 Le nyɔnɔnwi mɛɔ, eyi lɔ yí woyɔ mí nɔ, ɖo Kristo ŋtɔkpu can kpe fun do ta nɔ mí yí gbe kpɔwɛ ɖɛ nɔ mí nɔ míakplɔ yi fɔɖoxuwo do pɛpɛpɛ. 22 Dewa nuvɔn o, amɛbleble nyɔ ɖe deto le nu mɛ ni kpɔ o. 23 Ci wozuiɔ,* dezu amɛ do nu o,* ci ele efun kpekɔɔ, dekan dan nɔ amɛ o, vɔ ésɔ yiɖeki jo nɔ mɛ ci yí ɖonɔ kojo jɔjɔɛ. 24 Yiŋtɔ dro mìwo nuvɔnwo do yi lankpu mɛ le aci lɔ nu keŋ nɔ mìatɛnŋ avo so nuvɔnwo mɛ* yí anɔ agbe to enujɔjɔɛwawa ji. Eyi “akpa ciwo exɔ da edɔ̀ nɔ mí.” 25 Ðo míle shigbe lɛngbɔ ciwo yí bubuɔ emɔ sa nɛ; vɔ ecɛyɛɔ, mítrɔ va mɛ ci yí kplɔkplɔ míwo gbewo* yí gbekpɔkpɔ wo ji lɔ gbɔ.