Wema Ŋkɔtɔ ci Woŋwlɛ Ðaɖa Timɔte
2 Eyi taɖo doŋkɔɔ, ŋdokɔ ŋsɛn mí mɔ míafannɔ kwiwo yí adonɔ gbe ɖaɖa, aɖenɔ kuku yí adonɔ akpe do ta nɔ mɛɖekpokpui, 2 efyɔwo koɖo mɛ ciwo pleŋ yí le acɛtɔxuwo keŋ nɔ mìakpɔtɔ ale agbe le fafa mɛ koɖo vofamɛ yí anɔ gbeji nɔ Mawu pleŋpleŋ koɖo vevidodonu. 3 Ecɛ nyɔ yí sɔgbe le ŋmɛ nɔ mìwo Mawu Hwlɛngantɔ 4 ci dro enyi mɔ woahwlɛn amɛ vovovowo pleŋ gan yí woawa ɖaŋ amɔŋje nyɔnɔnwi lɔ mɛ nywiɖe. 5 Ðo Mawu kuɖeka yí li yí gblamɛdradotɔ kuɖeka yí le Mawu koɖo agbetɔwo gblamɛ, eyi nyi Kristo Yesu, 6 mɛ ci yí sɔ yiɖeki na yí enyi tafɛn ci yí sɔgbe do ta nɔ amɛwo pleŋ,* ecɛ nu yí woaɖe kunu so le yiŋtɔ hwenu ji. 7 Eyi taɖo Mawu sɔŋ nɔ maɖe kunu yí agbenyi apotru keŋ nɔ matɛnŋ akpla nu jukɔn bu mɛ tɔwo so xɔse koɖo nyɔnɔnwi lɔ nu. Nyɔnɔnwi nukɔ ŋle, ŋdekankɔ ŋsu o.
8 Eyi taɖo ŋjijiɛ mɔ le afishiafiɔ, ŋsuwo adonɔ gbe ɖaɖa yí akɔnɔ alɔ̀ yi ji le egbejinɔnɔ mɛ, dɔmɛzimado koɖo enyɔmahwlɛn. 9 Ahanke nyɔnuwo ɖo adranɔ do yí asɔgbe yí agbeje amɛ tɔ ji yí awɛni koɖo susu nywi yí danyi eɖa ganganwo blabla koɖo shika alo jenu alo ehovevinuwo dodo o. 10 Vɔ woɖo adranɔ do shigbe nyɔnu ciwo yí le gbeji nɔ Mawu nɛ, eyi nyi mɔ to edɔ nywiwo wawa mɛ.
11 Nyɔnu le nɔ kpuu* yí asɔ yiɖeki hwe pleŋpleŋ hwenu wokplakɔ nu yi.* 12 Ŋdena gbe nyɔnu mɔ yɛ le kpla nu hamɛ lɔ alo akpa nɔ ŋsu o, vɔ éɖo anɔ kpuu.* 13 Ðo Adamu yí wowa doŋkɔ; yi goduɔ, wovawa Ɛva. 14 Gbesɔ kpe niɔ, denyi Adamu yí woble domɛ o, vɔ nyɔnu lɔ yí woble domɛ pleŋpleŋ yí evatrɔ agɔjetɔ. 15 Gan woaglɔn ta nɔ nyɔnuwo to evijiji ji nɔ wokpɔtɔ yí ɖo xɔse, lɔnlɔn yí kpɔtɔ le kɔkɔɛɖe yí gbeɖokɔ susu nywi.