Lé àwɛ akpɔ nyɔna so wemagbaja cɛ mɛ:

Wemagbaja cɛ akpedo eo nu yí nàse vivi nɔ enukplakpla so Mawu Nyɔ, Bibla mɛ tiin. Kpukpui ciwo woyɔ le vɔvɔnu nɔ mamamɛ ɖeshiaɖe ana àkpɔ ɖoŋci nɔ enyɔbiɔse ciwo woŋwlɛn koɖo wemakui tritri ciwo yí le tamɛ nɔ mamamɛ lɔwo.

Nɔ èle kpukpui lɔwo hlɛnkɔɔ, bu tamɛ so lé wona ɖoŋci nɔ enyɔbiɔse lɔwo do. Ajɔ ji nɔ Yehowa Kunuɖetɔ ɖeshiaɖe mɔ yeakpedo eo nu yí nàbu tamɛ kpɔ so gɔnmɛsese ci yí le Ŋwlɛnŋwlɛn lɔwo mɛ nu.—Hlɛn Luiki 24:32, 45, nwt.