MAWU NYƆ MƐ DƆKUNUWO | LUIKI 8-9
Kplɔŋ do: Nyiwo yí mìɖo awaɔ?
Nɔ ehwɛnlɛntɔ ɖe ji mɔ yealɛn ehwɛn yí ajɔɔ, deɖo ana yí susu sɔsɔ ɖo enu ciwo yí le ŋgbe ni ji aɖe yi susu so edɔ lɔ ji o. Ahanke yí Kristotɔ deɖo ana yí susu sɔsɔ ɖo enu ciwo yí etashi do ŋgbe le xexeɛ mɛ ji atrɔ yi susu o.—Fili 3:13.
Nɔ mìɖo cukaɖawo mɛɔ, mìɖonɔ ŋwi lé enuwo do mì ji do vayi fafɛɖe, taŋfuin gbɔxwe mìavaxɔ nyɔnɔnwi lɔ. Nɔ mìwɛ ahan ɔ, edanasɛ hweɖewonu mɔ mìgangan jijɔ ci yí mìkpɔ vayi ɖoɖu, yí ɖe cukaɖa ciwo mɛ yí mìto vayi kpɔtɔ. Enu cɛ hanci yí Izraɛliviwo wa hwecinu yí woso le Eʒipti godu. (Amh 11:5, 6) Nɔ mìkpɔtɔ yi ɖokɔ susu ŋtɔ́woɔ, atɛnŋ avanyi tetekpɔ nɔ mì yí mìagbetrɔ atɔ agbe xoxwi ci yí mìnɔ sa nɔnɔ. Anyɔ sugbɔ nɔ mìbukɔ tamɛ kpɔ so yayra ciwo yí mìkpɔkɔ le egbɛmɛ nu, keŋ yí sɔ mìwo susuwo pleŋ ɖo jijɔ ci yí mìavakpɔ le Fyɔɖuxu lɔ gɔnmɛ ji!—2Kor 4:16-18.