“Mìdenanɔ ta o”

4:16-18

Kpɔɛ le susumɛ mɔ, xomu amɛve ɖekawo le axwe ɖekɛ mɛ. Axwe lɔ do xoxwi yí gbedahɛn. Xomu ɖeka yɛ dan ta nɔ yiɖeki yí le gbɛkwi fankɔ gbɛmɛ. Enukpacamɛtɔɔ, xomu vetɔ lɔ yɛ kpɔkpɔ jijɔ. Nyi yí taɖoɔ? Ðo énya mɔ, yewoayi ci axwe yoyu bu mɛ sabaaɖe yɛ.

‘Keke va je egbɛ yɛ ɔ, enushanu ci Mawu wa sekɔ vevi.’ Ele ahan gan, emɔkpɔkpɔ ɖeka le Mawu sɛntɔwo shi yí dokɔ ŋsɛn wo. (Rɔm 8:22) Mìnya mɔ cukaɖa ciwo yí li gbɛ, ciwo yí dokɔ vevisese nɔ mì so exwe nɛni ɖewo ke can nyi “ɖabaxoxo ɖeka” nu, nɔ mìsɔ wo sɔ koɖo Mawu xexe yoyu ci yí ani tɛgbɛɛ. Mìwo susuwo pleŋ sɔsɔ ɖo shicu ciwo yí Fyɔɖuxu lɔ ahɛn vɛ nɔ mì le esɔmɛ ji, akpedo mì nu mìakpɔnɔ jijɔ yí mìdana ta o.