KRISTOTƆWO GBENƆNƆ
Kpɔ nywiɖe nɔ ŋgbevayi kakakɔ ŋsunyɔwo o
Le egbɛmɛɔ, enyɔ ɖe atɛnŋ aɖyi le hlajio (radio), tele koɖo ɛntɛnɛti ji yí amɛ miliɔn nɛniɖe asi kaaka. Mɛ ciwo yí sɛnkɔ ‘Mawu adodwi’ lɔ dekakanɔ ŋsunyɔwo o, yí wodedin wɛwɛ yí wɛni hɛnnɛ o. (Eha 31:5; Hun 23:1) Ŋsunyɔ ciwo woanu ayikɔ atɛnŋ axo ɖyi amɛ. Nɔ nyɔ ɖe ɖyiɖyiɛ yí èjijiɛ mɔ yeakpɔ mɔ nyɔnɔnwi yɛnyi maɔ, biɔ nyɔ cɛwo eoɖeki se:
‘Woakando fini nyɔ lɔ so jia?’ Taŋfuin mɛ ci yí nukɔ nyɔ lɔ dese nyɔ lɔ mɛ nywiɖe o. Enyɔ ciwo yí ɖyikɔ yí amɛwo nukɔ devayi nyinɔ nyɔ ɖekɛwo o. Eyi taɖo wa blɛwu nɔ denya fini nyɔ ɖe tɔ so o. Mɛ ciwo yí ɖo akpɔ wowoɖekiwo ji taŋ yí nyi mɛ ciwo yí le agbanleamɛjitɔxuwo le haa mɛ. Woɖo akando nyɔ ɖe ji gbɔxwe anui nɔ mɛbuwo, ɖo amɛwo kannɔdo wowo nyɔwo ji.
‘Enyɔ lɔ axo ɖyi amɛa?’ Nɔ nyɔ ɖe adɔ wodagbekpɔ mɛɖe alo mɛɖewo do ŋɖe jiɔ, anyɔ mɔ danui o.—Elo 18:8; Fili 4:8
‘Woakando nyɔ lɔ jia?’ Nɔ èse nyɔ alo nyɔ kpacamɛ ɖeɔ, kpɔ nywiɖe nɔ ŋgbetɔ nuinui nɔ amɛwo o
KPƆ VIDEO CI YÍ NYI LÉ NAWƐ AMI AMƐNYƆ NUNUƆ? KEŊ AÐO NYƆBIƆSE CIWO YÍ GBƆGBƆ ŊCI:
Shigbe lé Elododo Wema 12:18 nui nɛ ɖe, nyi mìwo nuxuwo atɛnŋ awa koɖo mɛbuwoɔ?
Lé Filipitɔwo 2:4 kpedo mì nu mìnya amɛnyɔ ciwo mìanunɔɔ?
Nɔ mìle seŋ kankɔ yí mɛɖe vatɔ amɛnyɔ vwin nunu ɖe, lé mìɖo awɛ doɔ?
Gbɔxwe mìatɔ mɛbuwo nyɔ nunu ɖe, enyɔ ciwo mìɖo abiɔ mìwoɖekiwo seɔ?