Kpɔtɔ anakɔ wemawo amɛwo

So xwe ve koɖo ŋɖe han ɔ, wema ciwo mìnanɔ amɛwo xonɔ nuxu so nyɔ ɖeka nu koŋ. Wema cɛwo can le mìwo Nukplakpla dɔwanu dakavi lɔ mɛ. Mìazan wo le kunuɖeɖedɔɔ mɛ dru. Nɔ mìxɔ mɔ yikɔ fiɖe abi yikɔ nu sa gbeɔ, mìhɛn mìasɔ ɖowo hɛn. Wodewa wema cɛwo mɔ, woasɔ wo kpla Bibla koɖo amɛwo o. Ele ahan gan, wema cɛwo adɔ mɛɖe aji mɔ yeagbejeshi Mawu ɖɛ doji.

Nɔ ètɔ seŋ kankan koɖo mɛɖe sabaaɔ, hlɛn mawunyɔkpukpui ɖeka ni. Nɔ èhlɛn kpukpuiɛ ɖegbɔɔ, xo nuxu so nyɔ ɖeka ci yí le wemaa mɛ ci yí ajɔ ji nɔ amɛ lɔ nu. Vɔ nɔ enyi mɔ, xomu, amɛ vevi ku nɔ amɛ alo enulolokpɔ nyɔ yí amɛ lɔ vayi ɖe tiɔ, èhɛn anu ni mɔ: “Ŋhlɛn ŋɖeka le wema ɖeka mɛ vayi yɛ sa, yí exo nuxu so nyɔ ci èɖe ti nu yɛ pɛɛ. Enyɔ ci wemaa nu nyɔ keke. Míakpɛa?” Nɔ èkpɔ mɔ nyɔɔ jɔ ji niɔ, èhɛn asɔ wema ɖeka ni alo asɔɛ ɖaɖɛ to ka ji. Nɔ enyi ŋkɔtɔ èkpla yí yi gbɔ yɔ can ɔ, àwɛ ahan dru. Mìnya mɔ, de wema nana amɛwo yí nyi nuvevitɔ nɔ mì o. Ele ahan gan, wema lɔwo atɛnŋ ado alɔ mì yí mìakpɔ mɛ ciwo yí alɔn mɔ yewoawa do ŋci yewokplakɔ ji.—Edɔwawawo 13:48.

2018

2019

2020