KRISTOTƆWO GBENƆNƆ
Kando Yehowa ji nɔ Wove Xomɛ do eo
Xomɛveve nuwanawo atɛnŋ adahɛn nu le mì nu mìase gbazavi yí adan ta nɔ mìwoɖekiwo. Nɔ wodo vɔnvɔn nɔ mì yí gbe mɔ mìwo dagbesɛn Mawuɔ, woatɛnŋ adahɛn nu le mì nu le gbɔngbɔn mɛ. Lé àwɛ aglɔn ta nɔ eɔɖeki so xomɛvetɔwo shiɔ?
Amɛ sugbɔ le Yehowa sɛntɔwo mɛ ɖu ji le xomɛveve nuwanawo mɛ ci wokando Yehowa ji. (Eha 18:17) Le kpɔwɛ mɛ, Ɛstɛɛ gban toto ci Xaman wa keŋ awa xomɛvevenu. (Ɛst 7:1-6) Keŋ gbɔxwe awɛ ahan ɔ, édasɛ mɔ yekando Yehowa ji, yí bla nu. (Ɛst 4:14-16) Yehowa cu shi do yi gblajejewo ji yí glɔn ta yɛ koɖo yi jukɔn lɔ.
Jajɛwo, nɔ mído go xomɛveve nuwana ɖeɔ, míanu nɔ Yehowa nɔ akpedo mí nu yí axo nuxu so cukaɖa lɔ nu nɔ míwo da alo míwo nɔ̀. Míatɛnŋ akando ji mɔ Yehowa akpedo mí nu shigbe lé ekpedo Ɛstɛɛ nu nɛ. Nubu ci míatɛnŋ awa keŋ ato xomɛveve nuwana ɖe mɛɔ?
MÍKPƆ VIDEO CI YÍ NYI HWENU ŊNYI JAJƐ—NYI NATƐNŊ AWA NƆ WOVE XOMƐ DOŊ Ɔ? KEŊ AÐO NYƆBIƆSE CIWO MÌAKPƆ YƐ ŊCI:
Nyi jajɛwo atɛnŋ akpla so Charlie koɖo Ferin kpɔwɛ lɔ mɛɔ?
Nyi jilawo atɛnŋ akpla le enyɔ ciwo Charlie koɖo Ferin nu mɛ yí akpedo wowo viwo nu nɔ woato xomɛveve nuwana ɖe mɛɔ?