Yesu “Kpla lé Hanci yí wo a se Etonu” do

Yesu senɔ to nu nɔ Yehowa gashiagamɛ. (Ʒan 8:29) Vɔ, nyi yí taɖo Bibla nu mɔ: “É kpla lé hanci yí wo a se etonu nɔ Mawu do le vevi ciwo yí é se mɛ” ɔ?—Ebre. 5:8, Ezoɖuɖu Yoyu Wema.

Hwenu Yesu le nyigban jiɔ, édo go nɔnɔmɛ sɛnŋsɛnŋ ciwo yí dele jeŋkwi mɛ o. Jila nuvɔnmɛ ciwo yí vɔnnɔ nɔ Mawu yí hiin. (Luiki 2:51) Ŋsu sɛnsɛn ŋkɔnɔtɔwo na yí ékpe fun yí acɛkpatɔwo wa enumajɔmajɔ koɖi. (Mat. 26:59; Maki 15:15) Gbesɔ kpe niɔ, “é hwe yiɖeki kpɔtɔ yi setonu keke sɔyì eku mɛ,” éku vevisese ku.—Fili. 2:8.

Ŋcɛ ciwo mɛ Yesu to le nyigban ji kplɛ tonusese ci datɛnŋ akpla sa nɔ éle jeŋkwi mɛ o. Ecɛ dɔ yí atɛnŋ avanyi Efyɔ maɖonuvɔn koɖo Avɔnsatɔ Gangantɔ ci yí atɛnŋ ase vevi do mì nu. (Ebre. 4:15; 5:9) Ci Yesu kpla tonusese le enu ciwo mɛ ékpe fun le ɖegbɔɔ, égbevanyi amɛ vevi nɔ Yehowa sɔwu. Le nɔnɔmɛ gbɔnnugbɔnnuwo mɛɔ, mìakpɔtɔ asenɔ tonu nɔ Yehowa keŋ awa edɔ ɖekpokpui ci éɖonɔ nɔ mì. Nɔ mìwɛ ahan ɔ, mìwo can mìagbevale veviɖe nɔ Yehowa doji.—Ʒaki 1:4.