Zannɔ “Gbɔngbɔn Mɛ Nunana” Aotɔ

Éjɔnɔ ji nɔ mì pleŋ mɔ mìazannɔ gamɛ koɖo mìwo nɔviŋsu koɖo nɔvinyɔnuwo doju yí asɔ do ŋsɛn mìwonɔnɔwo. Vɔ keŋ gbɔxwe ejunɔnɔ ŋtɔ́wo ado ŋsɛn amɛɔ, mìɖo gbe awa nu sɔwu ejunɔnɔ koɖo wo. Bibla yɔ enujikpekpe ci mìɖo yí ado ŋsɛn mɛbuwo xɔse mɔ yɛnyi ‘gbɔngbɔn mɛ nunana’ ɖeka. (Rɔm. 1:​11, 12) Lé mìatɛnŋ azan enunana cɛ nywiɖe doɔ?

Ao nuxuwo le donɔ ŋsɛn mɛbuwo. Le kpɔwɛ mɛ, mìwo ɖoŋciwo ŋgbehɛnnɔ susu yi mìwoɖekiwo ji o, vɔ le hɛnnɔ susu yi Yehowa, yi Nyɔ koɖo yi sɛntɔwo ji. Nɔ mìkankan seŋ koɖo mìwo kpena xɔsetɔwoɔ, mìanunɔ enyɔ ciwo yí adonɔ ŋsɛn wowo xɔse.

Gbeta ci èsɔnɔwo koɖo ŋciwo èwanɔwo le donɔ ŋsɛn mɛbuwo. Le kpɔwɛ mɛ, mɛɖewo sɔnɔ gbeta mɔ yewoakpɔtɔ awakɔ gashiagamɛ sɛnsɛndɔ lɔ ci wododoɔ go cukaɖawo can. Mɛbuwo sun ji yí vanɔ kwɛshila dodomɛ bɔbɔwo pleŋ ci woxanɔ le dɔmɛ sugbɔ alo ci wotokɔ lanmɛsɛn cukaɖawo mɛ can.

Èdonɔ ŋsɛn nɔvio ŋsu koɖo nɔvio nyɔnuwo to enyɔ ciwo ènunɔ koɖo ŋciwo èwanɔwo jia? Èdonɔ jeshi enu ciwo nɔviŋsu koɖo nɔvinyɔnuwo wanɔ yí asɔ donɔ ŋsɛn eoa?