Efunkpekpewo ava vɔ gbeɖekaa?

ENYƆ CI BIBLA NU

‘Mawu a cucu ɖashiwo keŋkeŋ le ŋkuviwo ji nɔ wo. Eku, enububukpɔ, avinfanfan, alo vevisese dagbe li o.’​—Enyɔdasɛ 21:3, 4, Mawu Nyɔ.

NYƆNA CI ÀKPƆ LE MƐ

Enyɔnuɖɛ cɛ ana:

Kankandoji mì mɔ mìwo funkpekpewo de só Mawu gbɔ o.​—Ʒaki 1:13.

Ao ji afa nɔ enya mɔ Mawu sɔnɔ eɖe le mɛ nɔ mì nɔ mí le efunkpekɔ.​—1 Piɛ 5:7.

Mɔkpɔkpɔ eo mɔ efunkpekpewo pleŋ ava vɔ.​—Ehajiji Wema 37:9-11.

MÌATƐNŊ AKANDO ENYƆ CI BIBLA NU JÍA?

Aɛ, do susu amɛve cɛwo ŋci:

• Efunkpekpe koɖo enu- majɔmajɔwawa venɔ Mawu nu sugbɔ. Kpɔ le Yehowa se le yiɖekimɛ le blema hwenu ci yí wodo agbeya nɔ yi jukɔn ɖa. Bibla nu mɔ hwenu ci yí ketɔnɔwo wa enuvɔn do Izraeɛlitɔwoɔ, Mawu “kuŋshishi nɔ wo.”​—Kojoɖotɔwo Wema 2:18.

  Amɛ ciwo yí sɛnnɔ tamɛ do mɛbuwo nu, nú venɔ Mawu nu. Le kpɔwɛ mɛ Bibla nu mɔ Mawu de lɔnnɔ amɛ ciwo yí wunɔ amɛmanyaɖe o.ʼ​—Elododo Wema 6:16, 17.

• Mawu sɔnɔ eɖe le mɛ nɔ mìwo domɛtɔ ɖekaɖeka. Yehowa mɔ mìwo le dro mìwo gbanwo do ye ji ‘ɖo élenɔ bu nɔ [mì]’!​—1 Piɛ 5:7.

  Le majinjinɖemɛɔ, Yehowa ato yi fyɔɖuxu ji aɖe efun- kpekpe mìwo domɛtɔ ɖeka- ɖeka tɔ si (Matie 6:9, 10). Gbɔxwe ega lɔ axoɔ, énana akɔnfafa mɛciwo yí jikɔ kpedonu só gbɔ.​—Edɔwawawo 17:27; 2 Korɛntotɔwo 1:3, 4.