ENUKPLAKPLA 1

Enuɖetinɔnyɔ ci yí ana woasɔ ɖe le mɛ

Edɔwawawo 17:22

SUSU VEVI LƆ: Enuɖetinɔnyɔ ao tɔ ɖo ana yí ao nyɔsetɔwo asɔ ɖe le ao nyɔ lɔ mɛ, éɖo ana ao nyɔci lɔ aze yí ágbedasɛ enu ci yí taɖo woɖo asɔ ɖe le mɛ.

LÉ ÀWƐ DO:

Na nɔ amɛwo asɔ ɖe le mɛ. Can enyɔbiɔse, mawunyɔkpukpui, agbe mɛ nujɔjɔ alo enyɔtakankan ciwo mɛ yí ao nyɔsetɔwo atɛnŋ asɔ ɖe le.

Doŋkɔɔ, bu tamɛ kpɔ so enu ciwo mɛ yí ao nyɔsetɔwo asɔ ɖe le koɖo enu ciwo yí kan wo nu nywiɖe, keŋ atrɔ ashi le enuɖetinɔnyɔ ao tɔ lɔ nu nɔ asɔ koɖo wo.
Ao nyɔci lɔ le ze. Te kpɔ nɔ enuɖetinɔnyɔ ao tɔ ana enyɔci lɔ koɖo tajinu ci gbɔ èjikɔ aɖo aze petii nɔ ao nyɔsetɔwo.
Dasɛ enu ci yí taɖo enyɔci lɔ le veviɖe. Enyɔ ci ànu le sɔ koɖo ao nyɔsetɔwo ʒanwo. Ele mɔ woamɔŋje lé enyɔci lɔ akpedo wowo domɛtɔ ɖekaɖeka nu do mɛ.

Nɔ èdrakɔ Bibla mɛ nuxu ɖe doɔ, biɔ eoɖeki se mɔ, ‘Cukaɖa ciwo yí nɔviwo donɔ go le anyi hamɛ mɛɔ?’ Le yi goduɔ, na nɔ enuɖetinɔnyɔ ao tɔ lɔ asɔ koɖo wowo ʒanwo.