Akpaxwe 1 Enumɛtoto
Kan seŋ so nyɔbiɔse cɛwo nu koɖo mɛ ci yí kplanɔ nu koɖo eo:
Nyi yí jɔ ji nɔ eo le egbe ciwo Bibla ɖo ɖɛ kudo esɔmɛ nu mɛɔ?
(Kpɔ Enukplakpla 02.)
Nyi yí taɖo èkando ji mɔ Bibla nyi Mawu Nyɔɔ?
(Kpɔ Enukplakpla 03 koɖo 05.)
Nyi yí taɖo ele veviɖe mɔ woazannɔ Yehowa ŋkɔ lɔɔ?
(Kpɔ Enukplakpla 04.)
Bibla nu mɔ Mawu mɛ yí “agu agbe tɔ toso.” (Ehajiji Wema 36:9) Èkando nyɔ cɛ jia?
(Kpɔ Enukplakpla 06.)
Hlɛn Elododo Wema 3:32.
Nyi yí taɖo Yehowa yí nyi Exlɔ adodwitɔ ci mìatɛnŋ aɖoɔ?
Nyi yí Yehowa ji mɔ ye xlɔwo le waɔ? Èkpɔɛ mɔ enu ci emɔ mìwo le wa lɔ sɔgbea?
(Kpɔ Enukplakpla 07 koɖo 08.)
Hlɛn Ehajiji Wema 62:8.
Ŋciwo èdo gbe ɖaɖa yí biɔ Yehowa ɖewo ɖe? Nubu ciwo àtɛnŋ ado gbe ɖaɖa abiɔɔ?
Lé Yehowa ɖonɔ gbedodoɖawo ŋci doɔ?
(Kpɔ Enukplakpla 09.)
Hlɛn Ebretɔwo 10:24, 25.
Ale ciwo àtɛnŋ akpɔ le Yehowa Kunuɖetɔwo bɔbɔwo yiyi mɛɔ?
Èkpɔ mɔ yɛnyɔ mɔ woaje agbla ayinɔ bɔbɔ lɔwoa?
(Kpɔ Enukplakpla 10.)
Nyi yí taɖo enyɔ mɔ woahlɛnnɔ Bibla gbeɖeka duuɔ? Toto ci èwa nɔ Bibla hlɛnhlɛn ɔ?
(Kpɔ Enukplakpla 11.)
Keke vaɖo lɛ yɛ ɖe, nyi yí jɔ ji nɔ eo sɔwu le ao Bibla kplakpla mɛɔ?
So hwenu ètɔ Bibla kplakpla yɛ ɖe, ŋɖewo do aya nɔ eoa? Nyiwo yɔɔ? Nyi yí atɛnŋ akpedo eo nu nakpɔtɔ akplakɔ Biblaɔ?
(Kpɔ Enukplakpla 12.)