Nɔ agbe nɔ Yehowa kanfukanfu!

Agbe nyi enunana vevi ɖeka. Lé mìzankɔ enunana cɛ do gbeshiagbe, yí adasɛ lé yi nu jeŋ nɔ mì do. Shigbe mɔ Yehowa Kunuɖetɔwo hannɛɔ, mìdokɔ gbla yí zankɔ enujikpekpe mìwo tɔ nɔ Agbenatɔ, Yehowa ŋkɔ ŋci kɔkɔ koɖo yi kanfukanfu. (Eha 36:9; Enyɔ 4:11) Vɔ, enulolokpɔ kudo ŋcilanmɛnuwo nu gbeshiagbe le xexe vwin cɛ mɛ, atɛnŋ ana yí mìasɔ gbɔngbɔnmɛnuwo dado godu fafɛɖe. (Mk 4:18, 19) Mìwo domɛtɔ ɖekaɖeka ɖo abiɔ yiɖeki se mɔ: ‘Ŋsɔ anyi nu nywitɔ nakɔ Yehowa nyaoa? (Oze 14:2) Ŋsɛn ci yí anyi dɔwaɖu kpɔkɔ do Yehowa sumɔsumɔ anyi tɔ jiɔ? Gbɔngbɔnmɛ tajinu ciwo yí le ŋshiɔ? Lé nakeke anyi kunuɖeɖedɔ lɔ doji doɔ?’ Nɔ èdo jeshi enu ciwo mɛ yí àwa ŋkɔyiyi leɔ, do gbeɖaɖa nɔ Yehowa yí abiɔ kpedonu keŋ awa ashitrɔtrɔ ciwo yí ӡan. Le nyɔnɔnwi mɛɔ, Yehowa kanfukanfu gbeshiagbe na mìvonɔ yí gbekpɔnɔ jijɔ le agbe mɛ!​—Eha 61:8.

KPƆ VIDEO CI YÍ NYI ZAN ENUJIKPEKPE AO TƆ NƆ YEHOWA, KEŊ ANA ÐOŊCI NƆ ENYƆBIƆSE CIWO YÍ GBƆGBƆ:

• Nyi yí taɖo yí anyi ŋɖɛmanya, nɔ èzan enujikpekpe ao tɔ nɔ Satana xexe cɛɔ? (1Ӡan 2:17)

• Yayra ciwo yí mɛ ciwo yí sɔnɔ enu nywitɔ wowo tɔwo nanɔ Yehowa kpɔnɔɔ?

• Sɛnsɛn kɔkɔɛ lɔ lɔkpa ciwo mɛ yí àlɔn faa azan enujikpekpe koɖo aɖaŋ ao tɔwo leɔ?