Enukplamu ciwo yí le Ӡonasi wema lɔ mɛ

Le yi Nyɔ lɔ mɛɔ, Yehowa cɔn ashi ŋsu koɖo nyɔnu xɔsetɔwo xolɔlɔwo ji koɖo susu mɔ, yeazan wo asɔ na ekpla nywiwo mì. (Rɔm 15:4) Nyi yí èkpla so Ӡonasi wema lɔ mɛɔ? Kpɔ video ci yí nyi Sɛnsɛn xomumɛtɔ: Ӡonasi​—Kpla nu so Yehowa ŋshishikuku mɛ, keŋ ana ɖoŋci nɔ enyɔbiɔse ciwo yí gbɔgbɔ:

• Cukaɖa ciwo yí eŋɛnywidratɔ amɛtɔn ciwo yí le video lɔ mɛ do goɔ?

• Nɔ wodɔn eto nɔ mì alo nɔ mìsɔ sumɔsumɔ mɔnukpɔkpɔwo sɔ bu ɖe, lé Ӡonasi wema lɔ atɛnŋ ado ŋsɛn mì doɔ? (1Sam 16:7; Ӡon 3:1, 2)

• Lé Ӡonasi nujɔjɔ lɔ atɛnŋ akpedo mì nu yí mìakpɔkɔ emɔ mɔ, mìwo nyigbanmamamɛtɔwo asɔ eɖe le eŋɛnywi lɔ mɛɔ? (Ӡon 4:11; Mt 5:7)

• Nɔ mìle edɔ̀lele cukaɖa sɛnŋsɛnŋwo mɛ ɖe, lé enutɔxukpɔkpɔ Ӡonasi tɔ atɛnŋ afa akɔn nɔ mì doɔ? (Ӡon 2:1, 2, 7, 9)

• Nyi yí èkpla so video cɛ mɛ kudo afixɔxɔ ci yí le Bibla hlɛnhlɛn koɖo tamɛbubukpɔ so nu mɛɔ?