Tɔ so wleci cɛ jiɔ, kpɔwɛ seŋkannyɔ amɛtɔn lɔwo dagbenɔ kwɛshila dodomɛ bɔbɔ lɔ mɛ o. Vɔ kpɔwɛ seŋkannyɔ ciwo mɛ yí enyɔbiɔse, Mawunyɔkpukpui, koɖo enyɔgbeɖɛ ci yí adra emɔ do ɖɛ nɔ trɔtrɔyi yí anɔ Kristotɔwo Gbenɔnɔ koɖo sumɔsumɔdɔ bɔbɔ nukplawema lɔ mɛ. Kpɔwɛ seŋkannyɔ video ɖeka yí woaxo le kwɛshila ɖeshiaɖe mɛ. Eŋɛnywidratɔ ɖekaɖeka atɛnŋ asɔ Biblanukplawema ɖeka ci azan koɖo lé aɖe enu ti ni do le yiyi ŋkɔtɔ alo trɔtrɔyi mɛ. Gbesɔ kpeniɔ, seŋkannyɔ amɛve ciwo ji woɖo azɔn do aze le bɔbɔ nukplawema lɔ mɛ. Enu cɛ akpedo mì nu yí mìwo nukplakpla tajinu ci yí nyi mɔ mìaji “mɛ ciwo shi yí eji nɔnɔmɛ nywi le nɔ agbe mavɔ kpɔkpɔ” anɔ susu mɛ nɔ mì.—Edɔ 13:48.
Sukluviwo dɔwo: Nɔ wodena emɔdasɛnamɛ bu ɖeɔ, sukluviwo ɖo azɔn do kpɔwɛ seŋkannyɔ lɔwo ji.