Kpɔ nywiɖe nɔ ŋgbenyi afɔklɛnnu nɔ eoɖeki koɖo mɛbuwo o

Yesu zan kpɔwɛwo yí sɔ kpla nu amɛwo veviɖe mɔ, woŋgbenyi afɔklɛnnu nɔ amɛɖeki alo mɛbuwo o.

18:6, 7

• Enyɔgbe ci yí nyi “afɔklɛnnu” hɛnnɔ susu yi enuwana alo nɔnɔmɛ ci yí ana mɛɖe akplɔ enumaɖyinuwo do, aje agbenywimanɔmanɔ alo nuvɔn mɛ

• Anyɔ mɔ woabla ekpecunu do ekɔ nɔ mɛɖe yí adɔɛ do axu mɛ wu mɔ, yɛanyi afɔklɛnnu nɔ mɛbu

18:8, 9

• Yesu ɖo aɖaŋ nɔ yi dokplɔtɔwo mɔ wo le ɖe enu vevi ɖekpokpui, shigbe alɔ alo ŋkuvi hannɛ si, nɔ enu lɔ avanyi afɔklɛnnu nɔ wo

• Anyɔ mɔ woatashi enu vevi ɖe keŋ aɖo Mawu Fyɔɖuxu lɔ mɛ wu mɔ, woahɛn enu lɔ goŋgoŋ yí ayi vɔ do Gehena ci yí le dumɛ nɔ amɛgugu si mɛ

Nyi yí le anyi gbenɔnɔ mɛ yí atɛnŋ avanyi afɔklɛnnuɔ? Yí lé nawɛ yí ŋdanyi afɔklɛnnu nɔ nyɛɖeki alo mɛbuwoɔ?