Nɔnɔ koɖo mɛ ciwo yí lɔn Yehowa

Nyi yí taɖo mìɖo anɔnɔ koɖo mɛ ciwo yí lɔn Yehowaɔ? Ðoɔ, mɛ ciwo mìdonɔ ha koɖo kpɔnɔ ŋsɛn vwin abi ŋsɛn nywi do mì ji. (Elo 13:20) Le kpɔwɛ mɛ, Efyɔ Ʒoasi wa “enu ci yí nyɔ le ŋmɛ nɔ Yehowa” le hwenu ciwo pleŋ mɛ enɔ ju koɖo Avɔnsatɔ Gangantɔ Yoyada. (2Kro 24:​2, nwt) Le Yoyada ku goduɔ, Ʒoasi vami Yehowa sɛnsɛn, ɖo évatɔ egbɛ vwin dodo.​—2Kro 24:​17-19.

Le exwe sanŋdi ŋkɔtɔ K.H. mɛɔ, apostolo Pɔlu sɔ Kristotɔwo hamɛ lɔ sɔ koɖo “exɔ gangan ɖeka,” yí hamɛ lɔ mɛ tɔwo nyi ‘enu’ ciwo yí le exɔ lɔ mɛ. Nɔ mìgbe ha nɔ mɛɖekpokpui ci yí wanɔ enu ciwo yí dekpenɔ nɔ Yehowa o, nɔ amɛ lɔ nyi mìwo xomumɛtɔ abi haamɛtɔ can ɔ, mìakpɔtɔ anyi ‘enu ciwo woazan nɔ enujɔnu wawawo.’ (2Tim 2:​20, 21) Eyi taɖo le vamɛ mɔ, mìakpɔtɔ anyinɔ xlɔ koɖo mɛ ciwo yí lɔn Yehowa yí donɔ ŋsɛn mì mɔ mìwo le siin.

KPƆ VIDEO CI YÍ NYI GBE EHADODO VWINWO, KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• Lé atɛnŋ ajɔ do mɔ mìavadokɔ ha koɖo amɛ dɔndɔnwo le manyamanya mɛɔ?

• Le wadasɛ video lɔ mɛ ɖe, nyi yí kpedo Kristotɔ amɛtɔn lɔwo nu yí womi egbɛ vwinwo dodoɔ?

• Bibla gɔnmɛɖose ciwo yí atɛnŋ akpedo eo nu yí nacan ao xlɔwo nywiɖeɔ?