Lɔn ao xomumɛtɔwo

Lɔnlɔn le shigbe enutrenu hannɛ. Edɔ yí xomumɛtɔwo trenɔ do wowonɔnɔwo nu. Nɔ lɔnlɔn dele xomu ɖe mɛɔ, agbɔnnu nɔ xomuɔ mɛ tɔwo mɔ egbe ale ju nɔ wo yí wodawanɔ nu koɖo wowonɔnɔwo nywiɖe o. Lé asuwo, ashiwo koɖo ajitɔ koɖo ajinɔwo alɔn xomuɔ mɛ tɔwo doɔ?

Ŋsu ci yí lɔn ashiɛ ɖo akpɔnɔ yi ӡanwo gbɔ ni, aɖo to asenɔ yi nyɔwo yí agbebunɔ lé nu wanɔ ni kpɔ. (Efezitɔwo 5:28, 29) Éɖo akpɔnɔ ŋciwo yí ӡan xomu lɔ gbɔ. Ákpenɔdo wo nu nɔ woagogo Yehowa yí agbewanɔ sɛnsɛn xomumɛtɔ koɖo wo. (1 Timɔte 5:8) Nyɔnu ci yí lɔn asuɔ ɖo abubɔ yiɖeki ni yí “a na bubu” yi. (Efezitɔwo 5:22, 33; 1 Piɛ 3:1-6) Wo koɖo ve lɔ ɖo asɔ nu kenɔ wowonɔnɔwo keke nyɔ ɖekɛ dagbekpɔtɔ le xomɛ nɔ wo o. (Efezitɔwo 4:32) Vida koɖo vinɔ ciwo yí lɔn wowo viwo ɖo ale bu nɔ wo yí agbekplanɔ nu wo nɔ woalɔn Yehowa. (2 Ese Wema 6:6, 7; Efezitɔwo 6:4) Nyiwo yí ɖekɔ fun nɔ ɖevi lɔwo le sukluɔ? Nɔ wowo kpenawo nukɔ nɔ wo mɔ wole wa ŋciwo yí denyɔ ɖe, lé wowɛniɔ? Nɔ lɔnlɔn le xomuɔ mɛɔ, xomuɔ mɛ tɔ ɖekaɖeka kpɔɛni mɔ yevo yí ŋɖe davawa ye o.

MÍKPƆ VIDEO CI YÍ NYI SƆ LƆNLƆN MAVƆ LƆN AMƐWO LE AO XOMU MƐ, KEŊ AÐO NYƆBIƆSE CIWO MÌAKPƆ YƐ ŊCI:

• 

  Lé nyɔnu venɔ nɔ ŋsu ci yí lɔn ashiɛɔ, yí lé elenɔ bu ni doɔ?

• 

  Lé nyɔnu ci yí lɔn asuɔ buini nywiɖe doɔ?

• 

  Lé vida koɖo vinɔ ciwo yí lɔn wowo viwo kplanɔ Mawu Nyɔ lɔ wowo viwo doɔ?