Senɔ vevi koɖo amɛ

Woase vevi koɖo amɛ gɔnmɛ yí nyi mɔ woanya ŋciwo ebubuɔ kpɔ, lé enu wakɔ ni, ŋciwo yí le veviɖe ni koɖo ŋciwo yí wudi yí amɔŋje wo mɛ ni. Nɔ mìsekɔ vevi koɖo amɛwoɔ, amɛwo nyanɔ. Nɔ mìji mɔ mìakpedo amɛwo nu nyaoɔ, eyi keŋ gbɔxwe mìasun ji ase vevi koɖo wo. Nɔ mìsenɔ vevi koɖo amɛwo le kunuɖeɖedɔ lɔ mɛɔ, anyi mìɖyi Yehowa ci yí lɔnnɔ amɛ yí gbelenɔ bu nɔ amɛ. Nɔ mìwɛ ahan ɔ, adɔ amɛwo aji mɔ yewoajeshi Yehowa.—Filipitɔwo 2:4.

De hwenu mìkplakɔ nu koɖo mɛɖe ɖekɛ yí mìase vevi koɖi o. Lé mìɖokɔ to yi do koɖo lé mìxokɔ nuxu ni do yí agbekpɔ anya mɔ mìwomɔŋje nu mɛ nɔ ye. Nɔ mìsɔ ɖe le ji nɔ mɛɖe ŋtɔ teŋ nyaoɔ, mìase vevi koɖi. Mìanya enu ciwo yí le veviɖe ni, enu ciwo exɔ se koɖo enu ciwo mɛ etokɔ. Eyi mìanu enu ŋtɔŋtɔ ciwo awa ni yí agbekpedo nu, vɔ mìdakplɔɛ do amɔ yi le trɔ kaba o. Nɔ mìmɔ mìakpedo mɛ ciwo mìɖe kunu nɔ nu yí wolɔn ɔ, eji gbejɔnɔ mì le kunuɖeɖedɔ lɔ mɛ.

MÍKPƆ VIDEO CI YÍ NYI EJI LE JƆ EO LE ENUKPLAVIWOWAWADƆ LƆ MƐ—AO KUNUÐEÐE MƆNUWO LE NYƆ DOJI—SENƆ VEVI KOÐO AMƐ, KEŊ AÐO ENYƆBIƆSE CIWO MÌAKPƆ YƐ ŊCI:

• 

  Hwecinu Ʒake ji gamɛ ɖe, lé Neta se vevi koɖi doɔ?

• 

  Lé Neta se vevi koɖo Ʒake do ci emɔ enu cikɔ nɔ ye keke yedasɛnŋ akpla nuɔ?

• 

  Lé Neta se vevi koɖo Ʒake do ci emɔ yedesun ji ɖonɔ nuwo nywiɖeɔ?