Sɔ nyɔnu xoxuwo shigbe nɔo nɛ yí cugbɛjɛwo shigbe nɔvio nyɔnu nɛ

Enuŋwlɛŋwlɛ lɔwo nu nɔ mì mɔ, mìwo le sɔ Kristotɔ shinshinwo sɔ wa mìwo nɔ koɖo mìwo dawo yí asɔ jajɛwo shigbe mìwo nɔviwo hannɛ. (Hlɛn 1 Timɔte 5:1, 2.) Taŋtaŋ nɔviŋsuwo ɖo abu nɔvinyɔnuwo le wowo nuwanawo mɛ.

Nɔviŋsu ɖe deɖo axokɔ jijinuxuwo alo awakɔ nu keke nɔ nɔvinyɔnu ɖe kpɔɛ avo le yiɖekimɛ dokpo o. (Job 31:1) Nɔviŋsu trɛnnɔ ɖe deɖo awakɔ nu keke nɔvinyɔnu trɛnnɔ ɖe abukɔ mɔ yɛjikɔ aɖe ye ɖɛ, vɔ yí anyi dejikɔ aɖi ɖɛ o.

Nɔ nɔvinyɔnuwo va biɔ nyɔ ɖe hamɛmɛshinshinwo se alo yí vanu enyɔ vevi ɖe nɔ woeɔ, woɖo aso do ji. Taŋtaŋ ɔ, hamɛmɛshinshinwo ɖo aglɔn ta nɔ nɔvinyɔnu ciwo dewa asu ɖɛ o.—Ruta 2:8, 9.

MÍKPƆ VIDEO CI YÍ NYI SƆ LƆNLƆN MAVƆ LƆN AO KPENA XƆSETƆWO—KPOSHUWO KOÐO NYƆCƆVIWO KEŊ AÐO ENYƆBIƆSE CIWO MÌAKPƆ YƐ ŊCI:

• 

  Lé hamɛ lɔ lɔn nɔvinyɔnu Myint sugbɔ doɔ?

• 

  Lé lɔnlɔn ci hamɛ lɔ lɔn nɔvinyɔnu lɔ nyi kunuɖeɖe nywi ɖeka nɔ kɔxwi ci mɛ eleɔ?

• 

  Lé lɔnlɔn ci hamɛ lɔ lɔn nɔvinyɔnu Myint kpedo eviɛ nyɔnuviwo nu doɔ?

Enu ŋtɔŋtɔ ɖewo ciwo àtɛnŋ awa yí anyi èlɔn nɔvinyɔnu ciwo yí le ao hamɛ mɛ yí gbebukɔ wo tɔ kpɔɔ?