KRISTOTƆWO GBENƆNƆ
Kpɔtɔ anana kpla ao tamɛbubu ŋsɛn keŋ asɔ dokɔ evototo enuwo mɛ
Kanmɛtetɔ ɖo akpɔtɔ anana kpla yi lanmɛkanwo keŋ akpɔtɔ anɔ bibiɖe. Ahanke ele mɔ, mìwo can mìɖo akpɔtɔ adodoɔ gbla anana kpla mìwo tamɛbubuŋsɛn keŋ adodoɔ vovototo enuwo mɛ nɛ. (Ebretɔwo 5:14) Ci mìjinɔ le jɔjɔmɛnu mɔ mìasɔ gbeta ciwo mɛbuwo sɔ kpoŋ ɔ, ele mɔ mìana kpla tamɛbubuŋsɛn mìwo tɔ keŋ asɔnɔ gbeta mìwoŋtɔwo. Nyi yí taɖoɔ? Ðo mɛɖekaɖeka le mì mɛ ajo kɔnŋta so gbeta ciwo esɔ nu.—Rɔmatɔwo 14:12.
Denyi ci mìwa ʒinʒindoshimɛ exwe sugbɔwo ke yí dɔ taɖo mìanu mɔ mìasɔ gbeta nywiwo kokoko o. Nɔ mìasɔ gbeta nywiwoɔ, mìɖo akando Yehowa ji keŋkeŋ, yi Nyɔ lɔ koɖo yi habɔbɔ lɔ ji.—Ʒozue 1:7, 8; Elododo Wema 3:5, 6; Matie 24:45.
MÍKPƆ VIDEO CI YÍ NYI “MÍ [KPƆTƆ A] ÐO AYEXA NYWI,” KEŊ AÐO ENYƆBIƆSE CIWO MÌAKPƆ YƐ ŊCI:
Gbeta ci Ahoefa ɖo asɔɔ?
Nyi yí taɖo mìdeɖo anunɔ mìwoŋtɔwo susu le gbeta ciwo mɛbuwo akpɔ do ayexadohwɛnamɛnu wowo tɔ nu asɔɔ?
Nukplamu nywi ɖeka ci yí asu koɖo ashi ɖeka na Ahoefaɔ?
Fini Ahoefa kpɔ enyɔ ciwo akpedo nu le nɔ yi nɔnɔmɛ lɔɔ?