NÀ NƆ AO SUMƆSUMƆDƆ ANYƆ DOJI | TEKPƆ NƆ JI AJƆNƆ EO LE KUNUÐEÐEDƆƆ MƐ DOJI
Zan mìwo numɛkuku dɔwanuwo
Yehowa na mì dɔwanuwo nɔ mìasɔ kpla nu amɛwo nywiɖe. Dɔwanu lɔ ɖewo yí nyi videowo, traktiwo, enyɔdrawemawo, wemagbajawo, wemawo koɖo mìwo dɔwanu vevitɔ Bibla. (2 Timɔte 3:16) Égbena mì numɛkuku dɔwanu ciwo akpedo mì nu mìadre Enuŋwlɛŋwlɛ lɔwo mɛ. Enumɛkuku dɔwanu lɔ ɖewo yí nyi Watchtower Library, JW Library® dɔwanu, Jutakpɔxɔ ƐNTƐNƐTI JI WEMADADOXU, koɖo Numekuku Ŋuti Mɔfiagbalẽ Na Yehowa Ðasefowo.
Nɔ èzan dɔwanu cɛwo pleŋ yí sɔ ji nu gɔnmɛ kpɔ nywiɖe le Bibla mɛɔ, eji ajɔ eo nywiɖe. Kando ji mɔ yekpla lé woazan dɔwanu cɛwo ye nukplaviwo. Eyi eji ajɔ wowo can nɔ wokpɔkɔ ɖoŋci nɔ wowoŋtɔwo nyɔbiɔsewo le Bibla mɛ.
MÍKPƆ VIDEO CI YÍ NYI EJI LE JƆ EO LE ENUKPLAVIWOWAWADƆ LƆ MƐ—LƆN AXƆNƆ YEHOWA KPEKPEDONU—ENUMƐKUKU DƆWANUWO, KEŊ AÐO ENYƆBIƆSE CIWO MÌAKPƆ YƐ ŊCI:
Enyɔ ci Ʒake ɖe ti ci yí trɔ kpe enuwawawoɔ?
Fini Neta kpɔ ɖoŋci le nɔ enyɔbiɔse lɔɔ?
Nɔ mìkpɔ enuveviwo le Bibla mɛ yí mi koɖo mɛbuwoɔ, ena eji jɔnɔ mì
Lé ewɛ yí sɔ enyɔ ciwo asɔ nɔ Ʒakeɔ?
Lé enumɛkuku dɔwanu lɔwo wa dɔ do Neta ji doɔ?