Mìdo akpe nɔ Yehowa nɔ lɔnlɔn ci míɖo

Nɔvi ciwo yí le Tɛsaloniki hamɛ lɔ mɛ lɔn wowo kpena Kristotɔwo ci wotokɔ nɔnɔmɛ gbɔnnugbɔnnuwo mɛ can. (2 Tɛsalonikitɔwo 1:3, 4) Ahanke Yehowa mɛwo le egbɛmɛ lɔnnɔ wowo nɔviwo habɔbɔ ci yí le xexeɛ pleŋ mɛ nɛ. Nyɔta ci yí nyi “Lé wozan edro nunana ao tɔwo do” le jw.org ji nu lé wozan enu ciwo mína yí sɔ kpedo nɔviwo nu le hwenu sɛnŋsɛnŋ cɛwo mɛ. Mìkanfukɔ mí nɔ lɔnlɔn ci míɖo koɖo xomɛvu ci míwa keŋ yí kpekɔdo nɔviwo nu.

MÍKPƆ VIDEO CI YÍ NYI “MÌ DONƆ AKPE NƆ MAWU NƆ MÍ TƐGBƐƐ” KEŊ AÐO NYƆBIƆSE CIWO MÌAKPƆ YƐ ŊCI:

• Edɔ ɖewo ciwo wozan mìwo nunanawo yí sɔ wanɔɔ?

• Emɔ nywitɔ ci ji mìato yí ana ho keŋ nɔ woasɔ kpedo nɔviŋsu koɖo nɔvinyɔnu ciwo yí nu wudo nuɔ?—Kpɔ nyɔta cɛ ci yí le jw.org ji: “Kpɛtɛ cunɔ dodu nɔ ci yí hwedo”