Lé nɔvinyɔnuwo awɛ awa sugbɔ nɔ Yehowaɔ?

Nɔvinyɔnuwo wanɔ dɔ veviwo le Fyɔɖuxu lɔ dɔwo mɛ. (Ehajiji Wema 68:11) Woɖo Bibla nukplavi sugbɔwo. Nɔ wohlɛn emɔɖetɔwo kpɔɔ, nɔvinyɔnuwo yí sugbɔ wu. Nɔvinyɔnu edɔsɛnsinwatɔ sanŋdi nɛniɖewo nyi Betɛli xomumɛtɔwo, eŋɛnywidratɔ ejugodutɔwo, exɔcutɔwo koɖo egbegɔnmɛɖetɔwo. Nɔvinyɔnu ciwo yí shin le gbɔngbɔnmɛ donɔ ŋsɛn wowo xomuwo koɖo hamɛwo. (Elododo Wema 14:1) Ci nɔvinyɔnuwo datɛnŋ anyi hamɛmɛshinshin alo sumɔsumɔdɔwatɔwo can ɔ, wohɛn woakpɔtɔ aɖonɔ tajinuwo le hamɛ lɔ mɛ. Nɔ nɔvinyɔnu ènyi ɖe, nyiwo mɛ àtɛnŋ awa sugbɔ le wuɔ?

• Je agbla yí aɖonɔ Kristotɔwo nɔnɔmɛwo.—1 Timɔte 3:11; 1 Piɛ 3:3-6

• Kpedo nɔvinyɔnu ciwo yí dekpɔ shin le gbɔngbɔnmɛ ahan o nu.—Titu 2:3-5

• Tekpɔ azannɔ gamɛ sugbɔ wu le kunuɖeɖedɔ lɔ mɛ yí awɛni nywiɖe wu

• Kpla egbe bu dodo

• Hun avayi ci fini eʒan sugbɔ wu le

• Do alɔ wema mɛ awa dɔ le Betɛli alo awa dɔ le exɔcucudɔ mɛ

• Do alɔ wema mɛ nɔ Fyɔɖuxu ŋɛnywidratɔwo suklu lɔ yiyi

MÍKPƆ VIDEO CI YÍ NYI ‘NYƆLUN CIWO WANƆDƆ NYWIÐE NƆ AXWETƆ,’ KEŊ AÐO ENYƆBIƆSE CI MÌAKPƆ YƐ ŊCI:

• Lé enyɔ ciwo nɔvinyɔnu ɖekaɖeka nu do ŋsɛn eo doɔ?