Kpedo ao Bibla nukplaviwo nu nɔ woana exlɔnyinyi kacaca anɔ wo koɖo Yehowa gblamɛ

Yehowa ji mɔ lɔnlɔn ci mìɖo nɔ ye le dɔ mìasɛnnɔ ye. (Mt 22:37, 38) Lɔnlɔn ci Bibla nukplaviwo ɖo nɔ Mawu yí adɔ woakpɔ ŋsɛn awa trɔtrɔ ciwo yí ʒan keŋ agbenɔ te sɛnsinɖe le cukaɖawo hwenu. (1 Ʒan 5:3) Lɔnlɔn ci woɖo nɔ Mawu lɔ yí acucu wo yí woawa ʒinʒindoshimɛ.

Kpedo ao Bibla nukplaviwo nu nɔ woakpɔɛ mɔ Mawu lɔn yewo. Biɔ nyɔ cɛ hanwo wo se: “Nyi ŋcɛ kpla eo so Yehowa nuɔ?” alo “Lé ŋcɛ dasɛ do mɔ Mawu lɔn eoɔ?” Kpedo wo nu nɔ woakpɔ lé Yehowa kpekɔdo yewo nu do. (2Kro 16:9) Xo nuxu so lé Yehowa ɖo ao gbedodoɖa ɖewo ŋci koŋ do nɔ wo, yí ado ŋsɛn wo mɔ wo le lenɔ ŋkuvi do lé Yehowa ɖokɔ wowo gbedodoɖawo ŋci do. Jijɔ gangan enyi nɔ mì nɔ Bibla nukplaviwo kpɔɛ mɔ Yehowa lɔn yewo yí gbedadasɛ mɔ yewoluin hɛnnɛ keŋ ji mɔ yewoanyi yi xlɔwo.

MÍKPƆ WADASƐ VIDEO CI YÍ NYI KPEDO AO BIBLA NUKPLAVIWO NU NƆ WOANA EXLƆNYINYI KACACA ANƆ WO KOÐO YEHOWA GBLAMƐ, KEŊ AÐO NYƆBIƆSE CIWO MÌAKPƆ YƐ ŊCI:

• 

  Cukaɖa ci Ʒake dogoɔ?

• 

  Lé Neta kpedo Ʒake nu doɔ?

• 

  Lé Ʒake wɛ yí sun ji ɖu yi cukaɖa lɔ jiɔ?