Enu ciwo mìatɛnŋ akpla le amɛɖekɛnukplakpla alo le sɛnsɛn xomumɛtɔ mɛ

Denyi nɔ mìle ju koɖo mɛbuwo le bɔbɔwo, takpekpewo koɖo takpekpeganwo mɛ ɖekɛ yí mìsɛnnɔ Yehowa o, vɔ mìgbesinni nɔ mìle mìwo ɖekɛ alo le xomu mɛ. Enu ciwo yí àtɛnŋ awa le amɛɖekɛnukplakpla alo sɛnsɛn xomumɛtɔ mɛ ɖewo ke:

• Mídra hamɛ bɔbɔwo do. Míatɛnŋ aji hawo yí akpedo mɛɖekamɛɖeka nu le xomu lɔ mɛ nɔ adra ɖoŋciwo do.

• Míhlɛn Bibla mɛ xolɔlɔwo. Le yi goduɔ, míta enujɔjɔ ci míkpɔ le enuhlɛnhlɛn lɔ mɛ daɖɛ alo aŋwlɛ enu ci míkpla daɖɛ.

• Míkpla nu so gbedoɖa ɖe ci yí le Bibla mɛ nu, yí abu tamɛ kpɔ so lé atɛnŋ akpedo mí nu yí míwo gbedoɖawo anyɔ doji.

• Míkpɔ teokrasi video ɖe keŋ akan seŋ koɖo mɛbuwo so nu alo aŋwlɛ enu ci míkpla le video lɔ mɛ ɖɛ.

• Mídra do ɖɛ nɔ kunuɖegbe yiyi, taŋfuin míatɛnŋ awa wadasɛ ɖe.

• Míglo enuwawawo kpɔ yí abu tamɛ kpɔ so wo nu alo akan seŋ so enu ci wokpla mí so Yehowa nu.a