Zan Bibla Shigbe Kpɔnkpɔnlin Nɛ

Nukplavi Ʒaki sɔ Bibla sɔ sɔ koɖo kpɔnkpɔnlin ci yí na mìkpɔnɔ mɛ ciŋmɛ mìnyi le ji mɛ. (Ʒaki 1:​22-25) Lé mìatɛnŋ azan Bibla nywiɖe shigbe kpɔnkpɔnlin nɛ doɔ?

Hlin nywiɖe. Nɔ mìkpɔ mìwoɖekiwo le kpɔnkpɔnlin mɛ zeɖeka yí ɖekɔ blaŋ ɔ, mìdatɛnŋ lé ŋkuvi do afɛn ɖewo le mìwoɖekiwo nu yí adra wo do o. Ahanke nɔ mìhlɛnnɔ Bibla cacaca kpoŋ ɔ, mìdatɛnŋ akpɔ ŋci mìɖo adrado o. Taɖo do ʒinxo ahlɛnnɔ Bibla lɔ nywiɖe.

Le ŋkuvi do eoŋtɔ nu sɔwu mɔ ale ŋkuvi do mɛbuwo nu. Gaɖewo mɛ nɔ mìkpɔ kpɔnkpɔnlin mɛɔ, mìtɛnŋ kpɔ mɛbuwo hɛnnɛ yí mìtɛnŋ sɔ susu do afɛn ɖewo ciwo yí le wo nu ji. Le emɔ ɖekɛ lɔ ke nuɔ, mìtɛnŋ zan Bibla yí asɔ kpɔnɔ mɛbuwo fɛnwo. Vɔ ecɛ dakpedo mì nu mìadra ŋciwo mìɖo adrado le mìwoŋtɔwo nu o.

Wa nu le dredrenu. Nɔ mìsɔ ŋkuvi ɖonɔ afɛn ciwo yí le mì nu ɖekɛ ji nɔ mìkpɔkpɔ kpɔnkpɔnlin mɛɔ, mìatɛnŋ agbɔjɔ. Mìɖo awa nu le dredrenu nɔ mìhlɛnkɔ Mawu Nyɔ lɔ yí mìdajinɔ enu sugbɔ so mìwoɖekiwo gbɔ sɔwu lé Yehowa wɛni do o.—Ʒaki 3:17.