Kpla nu So Fotowo Mɛ

Fotowo sugbɔ le mìwo Bibla nukplawemawo mɛ ciwo yí kplanɔ enuveviwo mì. Lé àzan foto cɛwo do yí aɖu ele sugbɔ nɔ woɔ?

• Kpɔ foto lɔ gbɔxwe ahlɛn nyɔta lɔ. Foto lɔwo tɛnŋ cucu eo naji mɔ yeahlɛn nyɔta lɔ. Nɔ èkpɔ ŋɖuɖu vivi ɖe le agban mɛɔ, yi ɖuɖu adrodrɔ eo veviɖe. Eyi taɖo biɔ woɖeki se mɔ, ‘nyi ŋkpɔkpɔɔ?’—Amosu 7:​7, 8.

• Nɔ èhlɛn nyɔta lɔ ɖegbɔɔ, bu tamɛ kpɔ so ŋci yí taɖo enyi foto ŋtɔ́ wosɔ. Hlɛn enuŋwlɛŋwlɛ ciwo yí le foto lɔ gbɔ alo foto mɛ ɖeɖewo nɔ wona. Kpɔ lé foto lɔ ca eka koɖo nyɔta lɔ koɖo lé àwa do enukplamu ci yí le mɛ ji do.

• Nɔ èhlɛn nu lɔ ɖegbɔɔ, zan foto lɔ keŋ asɔ ɖo ŋwi susu vevi ciwo yí le nyɔta lɔ mɛ. Ŋwla ŋkuvi yí akpɔ mɔ yeatɛnŋ aɖo ŋwi foto lɔ koɖo enu ciwo yí yekpla so wo mɛ ma.

• Danyɔ mɔ àgbetrɔ akpɔ foto lɔ le wema lɔ mɛ yí akpɔ mɔ yeaɖo ŋwi enu ci yí yekpla le mɛ ba?