Nyɔna Ciwo Àkpɔ Le Dodomɛnuŋwlɛŋwlɛwo Mɛ

Dodomɛnuŋwlɛŋwlɛ ciwo yí le Enuŋwlɛŋwlɛ Kɔkɔɛ lɔwo—Xexe Yoyu Gɔnmɛɖeɖe mɛ danasɛ ekacaca ci yí le Bibla lɔ pleŋ mɛ. Édɔ yí wokpɔnɔ enuŋwlɛŋwlɛ bu ciwo yí ɖonɔ enumɛɖeɖe buwo sɔ kpe nɔ enu ci wohlɛnkɔ. Dodomɛnuŋwlɛŋwlɛ lɔwo nyi wemakwi hwɛhwɛ ciwo yí bɔnɔ do enyɔkwi ɖe nu. Le Bibla ciwo wota mɛɔ, wokpɔnɔ wemakwi hwɛhwɛ lɔwo le dodomɛ alo le fibu nɔ kpashi lɔ keŋ akpɔ kpukpui ciwo yí kuso wo nu. Le jw.org alo JW Library^® jiɔ, ʒin wemakwi hwɛhwɛ lɔ keŋ akpɔ Bibla kpukpui lɔwo.

Dodomɛnuŋwlɛŋwlɛ lɔwo atɛnŋ akplɔ eo yi enu cɛ ciwo yí gbɔgbɔ koɖo ebuwo gbɔ:

Exolɔlɔ Ciwo Yí Ca Ka Koɖi: Dodomɛnuŋwlɛŋwlɛ lɔ atɛnŋ adasɛ enujɔjɔ ɖekɛŋmɛwo. Le kpɔwɛ mɛ, kpɔ 2 Samiɛli 24:1 koɖo 1 Kronika 21:1.

Enyɔ Ci Wosɔ So Kpukpui Bu Mɛ: Dodomɛnuŋwlɛŋwlɛ lɔ danasɛ fini wosɔ enyɔfɔkpe alo enyɔgbe ɖe so. Le kpɔwɛ mɛ, kpɔ Matie 4:4 koɖo 2 Ese Wema 8:3.

Enyɔnuɖɛ Ciwo Yí Vamɛ: Dodomɛnuŋwlɛŋwlɛ lɔ akplɔ mì yi enyɔnuɖɛ ɖe ci yí vamɛ gbɔ. Le kpɔwɛ mɛ, kpɔ Matie 21:5 koɖo Zakari 9:9.