• Lé agbe lɔ tɔ ji doɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 1. Lé xexegbɛ lɔ tɔ ji doɔ?

      Bibla mɔ le tɔtɔmɛɔ, “Mawu ɖo jeŋkwi koɖo xexe.” (Gɔnmɛjeje 1:1) Jɔjɔmɛnununyatɔ sugbɔ lɔn do ji mɔ, tɔtɔmɛ li nɔ xexegbɛ lɔ. Lé Mawu wa xexegbɛ lɔ doɔ? Ézan yi “dɔwaŋsɛn” ci yí nyi yi gbɔngbɔn kɔkɔɛ lɔ yí sɔ wa wlecivi gbɛbɔbɔwo, wleciviwo, wlecinyigbanwo koɖo ŋɖekpokpui ci yí le xexegbɛ lɔ mɛ.—Gɔnmɛjeje 1:2, NWT.

  • Lé agbe lɔ tɔ ji doɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 5. Esɔgbe mɔ mìakando enyɔ ci Bibla nu mɔ wa wowa nuwo ji

      Le Gɔnmɛjeje ta 1 mɛɔ, Bibla nu fini yí nyigban koɖo enulagbu ciwo yí le ji so. Àtɛnŋ akando exolɔlɔ cɛ jia, alo enyɔkpakpawo yɔ? Xo VIDEO lɔ, yí akan seŋ so nyɔbiɔse ciwo yí gbɔgbɔ nu.

      VIDEO: Wa wowa xexegbɛ lɔa?—Akpaxwe kleŋ (3:51)

      Foto lɔwo: video ci yí nyi ‘Wa wowa xexegbɛ lɔa?—Akpaxwe kleŋ’ mɛ sɛniwo. 1. Lé mɛ ci yí le nyigban ji akpɔ enuwawawo do le ŋkeke amadɛn lɔwo nuwawa hwenu. 2. Ci wosɔ ŋkeke amadɛn wa enuwo ɖegbɔɔ, mìkpɔkɔ xexeɛ mɛ yí kpɔ ewe, nyigban xuxu, eshi, egbewo, xeviwo, nyigban ji lanwo koɖo agbetɔwo.

      • Ci Bibla mɔ wosɔ ŋkeke amadɛn sɔ wa nyigban koɖo enulagbu ciwo yí le ji ɖe, ŋkeke ci mɛ gaxoxo 24 le ɖekaɖeka amadɛn nyɔ enukɔa?

      • Èkpɔɛ mɔ lé Bibla mɔ wowa nuwo do sɔgbea? Nyi yí taɖo esɔgbeɔ, alo nyi yí taɖo desɔgbeɔ?

      Hlɛn Gɔnmɛjeje 1:1, yí akan seŋ so nyɔbiɔse cɛ nu:

      • Jɔjɔmɛnununyatɔwo nu mɔ xexegbɛ lɔ ɖo tɔtɔmɛ. Lé wowo nyɔ cɛ sɔgbe koɖo enu ci èhlɛn le Bibla mɛ yɛ doɔ?

      Mɛɖewo nunɔ mɔ taŋfuin de Mawu wɛ ewɛ yí ŋɖe trɔkɔ vivivi keke vatrɔ enulagbu yɔ ma. Hlɛn Gɔnmɛjeje 1:21, 25, 27, yí akan seŋ so biɔse cɛwo nu:

      • Bibla nu mɔ Mawu wa enulagbu nyɛkuin ŋkɔtɔ yí na etɔ trɔtrɔ keke vatrɔ kpavi, elanwo koɖo agbetɔwo yɔa? Alo wa ewa enulagbu “hamɛhamɛ” veviwo pleŋ zeɖekaa?b