4:10-15

Yehowa kpedo Moizi nu yí emi vɔnvɔn. Nyi mìatɛnŋ akpla so enyɔ ci Yehowa nu nɔ Moizi mɛɔ?

• Mìdeɖo akpɔnɔ mìwoɖekiwo mɔ mìdasun ŋɖe ji awa o

• Mìakando ji mɔ Yehowa ana ŋɖekpokpui ci yí wu do mì keŋ nɔ mìawa edɔ ciwo womɔ mìwo le wa

• Xɔse ci mìɖo do Mawu nu yí ana mìdavɔnnɔ nɔ agbetɔwo o

Hwenu Yehowa nu nɔ Moizi mɔ yi le wa dɔ ɖekaɔ, Moizi kpɔɛ mɔ yedasun ji awa dɔ lɔ nywiɖe o. (Hun 4:10, 13) Ewa ahan nɔ eo kpɔa? Yehowa Kunuɖetɔwo kplakɔ nu koɖo eo yɔa? Èbiɔkɔ eoɖeki se mɔ, keke yeavasun ji aɖe kunu so axomɛ yi axomɛ kpɔ maa? Alo taŋfuin ènyi jajɛ yí vɔnvɔn nɔ kunuɖeɖe le suklu, alo nɔ jugbajakunuɖeɖe ɖewo alo nɔ kunuɖeɖe to telefonu ji. Do gbe ɖaɖa nɔ Yehowa yí abiɔ gbɔngbɔn kɔkɔɛ yi. (1 Piɛ 4:11) Kando ji mɔ yɛakpedo ye nu le edɔ ɖekpokpui ci amɔ eo le wa mɛ.—Hun 4:11, 12.