-
Èle gbesɔsɔ awa ʒinʒindoshimɛa?Se vivi nɔ agbe lɔ sɔyi mavɔ!—Bibla kplakpla to seŋkankan ji
-
-
5. Ðu enu ciwo yí atɛnŋ xe mɔ nɔ eo nɔ ʒinʒindoshimɛwawa ji
Nɔ mìsɔ gbeta mɔ mìasɔ mìwoɖekiwo na Yehowa keŋ awa ʒinʒindoshimɛɔ, mì pleŋ yí donɔ go cukaɖawo. Nɔ àkpɔ yi kpɔwɛ ɖekaɔ, xo VIDEO lɔ, keŋ agbeje biɔse ciwo yí gbɔgbɔ mɛ.
Le video lɔ mɛ ɖe, emɔxenu ciwo ji Narangerel ɖo aɖu gbɔxwe asɛn Yehowaɔ?
Lé lɔnlɔn ci eɖo nɔ Yehowa kpedo nu eɖu mɔxenu lɔwo ji doɔ?
Hlɛn Elododo Wema 29:25 koɖo 2 Timɔte 1:7, keŋ agbeje biɔse cɛ mɛ:
Nyi yí nanɔ dɔngbegbe mì mìɖunɔ mɔxenuwo jiɔ?
-
-
Àtɛnŋ ado ji nɔ wociciɛ yumɛ nɔ eoSe vivi nɔ agbe lɔ sɔyi mavɔ!—Bibla kplakpla to seŋkankan ji
-
-
Ele mɔ mìado ŋsɛn kankandoji ci mìɖo do Yehowa nu so kakacɛ. Ji gamɛ adonɔ gbe ɖaɖa nɔ Yehowa gbeɖeka duu yí agbehlɛnnɔ akpaxwe ɖe nɔ yi Nyɔ lɔ. Je agbla ayinɔ bɔbɔwo pleŋ. Ŋcɛwo pleŋ wawa akpedo eo nu nagbe dɔn akpanŋkɔ yumɛcici ɖekpokpui, nɔ enyi ao xomumɛtɔwo yí cikɔ yumɛ nɔ eo can. Apotru Pɔlu ci woci yumɛ nɔ hɛnnɛ ŋwlɛ mɔ: “[Yehowa] yí nyi alɔ̀dotɔ nɔ ŋ. Ŋ da vɔn o.”—Ebretɔwo 13:6.
Nɔ mìɖenɔ kunu blaŋblaŋ ɔ, ecɛ akpedo mì nu yí mìagbe dɔn doji hɛnnɛ. Le kunuɖeɖedɔ lɔ mɛɔ, mìkplanɔ lé mìawɛ akando Yehowa ji yí aɖu agbetɔ vɔnvɔn ɖekpokpui ji. (Elododo Wema 29:25) Nɔ èkpla lé àwɛ asɔ dɔngbegbe ɖe kunu so kakacɛɔ, akpedo eo nu nale gbesɔsɔ akpɔtɔ aɖekɔ kunu nɔ acɛkpakpawo vado se do mìwo dɔ lɔ nu can.—1 Tɛsalonikitɔwo 2:2.
-