• Mi yí Mawu nyiɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 1. Lé woyɔnɔ Mawuɔ, yí nyi yí dasɛ mɔ Mawu ji mɔ mìwo le jeshi ŋkɔ lɔɔ?

      Mawu nu mɛ ci yiŋtɔ nyi nɔ mì le Bibla mɛ. Énu mɔ: “Ŋ nyi Tɔhonɔ. Anyi ŋkɔ nyi Yawe.” (Hlɛn Ezai 42:5, 8.) Wemanyatɔ sugbɔ lɔn do ji mɔ, Ebregbe mɛ ŋkɔ “Yawe” ci wogbeyɔnɔ mɔ Yehowa gɔnmɛ yí nyi “Énanɔ evanɔmɛ.” Yehowa ji mɔ mìwo le jeshi ye ŋkɔ lɔ. (Hunhun 3:15) Lé mìawɛ akando ji mɔ eyi ejijiɛ nyaoɔ? Le Bibla mɛɔ, ŋkɔ lɔ ze donu 7 000 nu le ji!a “Mawu [adodwi] jeŋkwimɛtɔ koɖo nyigbanjitɔ” lɔ ŋkɔ yí nyi Yehowa.—2 Ese Wema 4:39.

  • Lé mìasɛn Mawu do yí ajɔ ji niɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 2. Lé mìɖo asɛn Yehowa doɔ?

      Ci Yehowa nyi mìwo Watɔɔ, yiɖekɛ kpaŋ mìɖo asɛn. (Enyɔdasɛ 4:11) Enyɔ cɛ gɔnmɛ yí nyi mɔ, mìɖo aluin yí asɛn yiɖekɛ kpaŋ. Mìdeɖo azan enutata, enumɛmɛ, acikpakpɛ alo enu ŋtɔ́ hanwo ɖe le yi sɛnsɛn mɛ o.—Hlɛn Ezai 42:8.

      Mìwo sɛnsɛn ɖo anɔ “kɔkwɛ yí a nya kpɔkpɔ” gbɔxwe Yehowa axɔɛ. (Rɔmatɔwo 12:1) Yi gɔnmɛ yí nyi mɔ, mìɖo anɔ agbe asɔ koɖo agbenywinɔnɔ se yi tɔwo. Le kpɔwɛ, mɛ ciwo yí lɔn Yehowa ɖo alɔn gɔnmɛɖose ciwo yí kudo alɔlele nu yí awanɔ do wo ji. Yí wodewanɔ enu ciwo yí adahɛn nu le wo nu shigbe tabayɔyɔ, geeyɔyɔ alo ahanumu nɛ o.a