5. Enu ci Yehowa jikɔ mɔ ye xlɔwo le wa

Le jɔjɔmɛnuɔ, mìjinɔ mɔ mìwo xlɔwo le wa ŋɖewo nɔ mì.

• Nyi hanwo èjinɔ mɔ ao xlɔwo le wa nɔ eoɔ?

Hlɛn 1 Ʒan 5:3, keŋ agbeje enyɔbiɔse ci yí gbɔgbɔ mɛ:

• Nyi Yehowa ji mɔ ye xlɔwo le wanɔ nɔ yeɔ?

Nɔ mìji mɔ mìase tonu nɔ Yehowaɔ, atɛnŋ avajɔ mɔ mìami ŋɖewo wawa alo atrɔ lé mìnɔnɔ agbe do. Hlɛn Ezai 48:17, 18, keŋ agbeje biɔse ci yí gbɔgbɔ mɛ:

• Nyi yí taɖo Yehowa nunɔ nɔ yi xlɔwo mɔ wo le wa trɔtrɔwoɔ?

Èvalɔn Mawu sɔwu hwenu ètɔ Bibla kplakplaa? Àji mɔ yeakpɔtɔ adonɔ ŋsɛn exlɔ ci ènyi koɖia? Nɔ ahan yɔ nɛɔ, ɖo ŋwi mɔ, nɔ Yehowa kpɔ lé èluinkɔ doji doɔ, ahanke yɛ can alɔn eo doji yí asɔ ɖe le ji nɔ eo nɛ. Lé mìawɛ adasɛ ni mɔ mìluin ɔ?

1. Lé mìawɛ adanasɛ nɔ Yehowa mɔ mìluin ɔ?

Mìdanasɛ nɔ Yehowa mɔ mìluin, nɔ mìsenɔ tonu ni. (Hlɛn 1 Ʒan 5:3.) Deʒinnɔ mɛɖe ji mɔ yɛ le se tonu nɔ ye o. Vɔ éɖe mɔ nɔ mɛshiamɛ, nɔ acin mɔ yease tonu ni alo yedase tonu ni o. Nyi yí taɖoɔ? Yehowa ji mɔ mìwo le nyi ‘tonusetɔwo so ji mɛ.’ (Rɔmatɔwo 6:17, NWT) Yi gɔnmɛ nyi mɔ, éji mɔ ci eɔlɔn yeɔ, eɔ le se tonu nɔ ye, yí denyi ci èɖo àwɛ dandandan yɔ o. Wowa akpaxwe 3 koɖo 4 nɔ wema cɛ keŋ asɔ kpedo eo nu nɔ nalɔn Yehowa. Àdasɛ ao lɔnlɔn ni, nɔ èwanɔ enu ciwo yí jɔnɔ ji ni yí zenɔ nɔ enu ciwo yí dejɔnɔ ji ni o.

2. Nyi yí taɖo atɛnŋ agbɔnnu mɔ mìalɔn Yehowaɔ?

“Amɛ nywiwo [ɖonɔ] cukaɖa sugbɔ.” (Ehajiji Wema 34:19) Mìdonɔ gbla koɖo mìwo gbɔjɔgbɔjɔwo. Gbesɔ kpe niɔ, ehonyɔwo, enumajɔmajɔwawa koɖo cukaɖa buwo tɛnŋ ɖekɔ fun nɔ mì. Nɔ mìtokɔ nɔnɔmɛ sɛnŋwo mɛɔ, etɛnŋ gbɔnnu nɔ mì mɔ mìawa enu ci Yehowa ji mɔ mìwo le wa. Ðo enumanyɔmanyɔwawa le fafɛɖe. Vɔ nɔ èwa enu ci Yehowa mɔ eɔ le wa le egbejinɔnɔ mɛɔ, anyi èdadasɛ ni mɔ yeluin wu nubuɖekpokpui. Àgbedasɛ ni mɔ yele gbeji ni. Yɛ can anɔ gbeji nɔ eo. Dagbe eo ɖɛ gbeɖe o.—Hlɛn Ehajiji Wema 4:3.

4. Do jijɔ nɔ Yehowa ji

Hlɛn Elododo Wema 27:11, keŋ agbeje nyɔbiɔse ci yí gbɔgbɔ mɛ:

• Nɔ ènya ŋɖɛ yí se tonu nɔ Yehowa ɖe, lé ewanɔ niɔ? Nyi yí taɖoɔ?

5. Àtɛnŋ anɔ gbeji nɔ Yehowa

VIDEO: Hwlɛn ta nɔ ao xɔse nɔ wofɔn gu do eo ji (5:09)

• Egbɔnnu nɔ eo kpɔ mɔ àxo nuxu so Yehowa nu nɔ amowoa?

• Le video lɔ mɛ ɖe, nyi yí kpedo Grayson nu yí eɖu yi vɔnvɔn jiɔ?

Enɔnɔ fafɛɖe wu mɔ mìanɔ gbeji nɔ Yehowa, nɔ mìlɔn enu ciwo elɔn yí gbe enu ciwo egbe. Hlɛn Ehajiji Wema 97:10, keŋ agbeje nyɔbiɔse cɛwo mɛ:

• Sɔ koɖo enu ci èkpla ɖe, nyi yí nyi ŋɖewo ciwo Yehowa lɔn ɔ? Nyi yí nyi ŋɖewo ciwo egbeɔ?

• Lé àtɛnŋ akpla lé àwɛ alɔn nunywi yí agbe nuvwin doɔ?

6. Mìkpɔnɔ nyɔna nɔ mìse tonu nɔ Yehowa

Tonusese nɔ Yehowa yí nyi nunywitɔ gashiagamɛ. Hlɛn Ezai 48:17, 18, keŋ agbeje nyɔbiɔse cɛwo mɛ:

• Ci eɔkpɔɛ ɖe, mìatɛnŋ akando ji mɔ Yehowa anya enu ci yí nyi enywitɔ lɔ nɔ mì gashiagamɛa? Nyi yí taɖoɔ?

• Ci èkplakɔ nu so Bibla koɖo Yehowa, Mawu adodwi lɔ nu keke vaɖo hweyɛnu ɖe, nyɔna ciwo èkpɔ so mɛɔ?

ENU CI ÈKPLA

Àtɛnŋ adasɛ mɔ yelɔn Yehowa yí akpɔtɔ anɔ gbeji ni nɔ èle cukaɖawo mɛ can.

Enumɛtoto

• Nyi èkpla so Job kpɔwɛ lɔ mɛɔ?

• Lé àwɛ adasɛ nɔ Yehowa mɔ yeluin ɔ?

• Nyi yí akpedo eo nu nanɔ gbeji nɔ Yehowaɔ?

KPƆ ŊCƐWO KPƆ

Kpɔ lé àwɛ anɔ gbeji nɔ Yehowa koɖo hamɛ lɔ.

“Nɔ mɛɖe le gbeji nɔ eoɔ, èwanɔ nu yí sɔ danasɛ mɔ yele gbeji ni” (16:49)

Kpla nubuwo so ehwɛ ci Satana do agbetɔwo nu.

“Job kpɔtɔ nɔ gbeji nɔ Mawu” (La Bible: quel est son message? akpaxwe 6)

Kpɔ lé ɖevihwɛwo can atɛnŋ adasɛ mɔ yewolɔn Yehowa.

Do jijɔ nɔ Yehowa (8:16)

Lé ɖevi ciwo ji wowo kpenawo ʒinnɔ awɛ anɔ gbeji nɔ Mawuɔ?

Ŋgbelɔn akplɔ ao kpenawo do kpɔ gbeɖe o! (3:59)

Mì pleŋ yí sɔnɔ gbetawo. Gbeta sugbɔtɔ atɛnŋ awa nywi nɔ mì alo adahɛn nu le mì nu. Woatɛnŋ adahɛn exlɔ ci mìnyi koɖo Yehowa alo adrɛ do. Le kpɔwɛ mɛ, mìatɛnŋ asɔ gbeta so fini mìanɔ nu, lé mìawɛ akpɔ ho azannɔ, alo mɔ mìalé alɔ. Nɔ mìsɔnɔ gbeta nywiwoɔ, mìatɛnŋ akpɔnɔ jijɔ le agbe mɛ yí mìwo nu akpe nɔ Yehowa.

1. Lé Bibla atɛnŋ akpedo eo nu do yí nasɔnɔ gbeta nywiwoɔ?

Gbɔxwe àsɔ gbeta ɖeɔ, do gbe ɖaɖa nɔ Yehowa yí agbeje Bibla mɛ keŋ akpɔ susu ci Yehowa ɖo do nyɔ lɔ nu. (Hlɛn Elododo Wema 2:3-6.) Le nɔnɔmɛ ɖewo mɛɔ, Yehowa donɔ ese ɖe koŋ. Nɔ ele ahan ɔ, gbeta nywitɔ ci àtɛnŋ asɔ yí nyi mɔ, nawa do ese lɔ ji.

Vɔ nɔ Bibla dedo ese ɖe koŋ le nɔnɔmɛ ɖe mɛ ɖe, le àwɛ doɔ? Nɔ ele ahan can ɔ, Yehowa adasɛ mɔ nɔ eo “to emɔ ci ji èɖo ato.” (Ezai 48:17, NWT) Lé awɛ doɔ? Gɔnmɛɖose ɖewo tɛnŋ li ciwo yí adasɛ mɔ nɔ eo. Bibla gɔnmɛɖosewo nyi nyɔnɔnwi vevi ciwo yí danasɛ susu koɖo seselelanmɛ ciwo Mawu ɖo do ŋɖe nu. Blaŋblaŋ ɔ, mìkpɔnɔ lé ewanɔ nɔ Mawu so ŋɖe nu nɔ mìhlɛn exolɔlɔ ɖe le Bibla mɛ. Nɔ mìdo jeshi lé Yehowa se le yiɖeki mɛɔ, mìatɛnŋ asɔ gbeta ci yí akpe ni.

2. Nyiwo nu èɖo abu tamɛ kpɔ so gbɔxwe asɔ gbeta ɖeɔ?

Bibla mɔ: “Ŋununyatɔ do ʒinxo yí butamɛ so enushanu nu.” (Elododo Wema 14:15) Edasɛ mɔ gbɔxwe mìasɔ gbeta ɖeɔ, mìɖo aji gamɛ yí abu tamɛ kpɔ so mìwo cancanwo nu. Nɔ ègbejekɔ akpaxwe ɖeshiaɖe mɛ kpɔɔ, biɔ eɔɖeki se mɔ: ‘Bibla gɔnmɛɖose ci yí kuso nuɔ? Gbeta ci yí ana nakpɔ fafa le susu mɛɔ? Lé anyi gbetasɔsɔ lɔ akpɔ ŋsɛn do mɛbuwo ji doɔ? Vevitɔ lɔ ɖe, ado jijɔ nɔ Yehowaa?’—2 Ese Wema 32:29.

Yehowa yí ɖo acɛ anu enu ci yí nyɔ koɖo enu ci yí dɔn nɔ mì. Nɔ mìvajeshi yi sewo koɖo gɔnmɛɖosewo nywiɖe, yí ɖui gligaan mɔ mìawa do wo jiɔ, anyi mìnakɔ kpla ayexadohwɛnamɛnu mìwotɔ. Ayexadohwɛnamɛnu nyi enu ci yí nunɔ nɔ mì mɔ ŋɖe nyɔ alo edɔn. (Rɔmatɔwo 2:14, 15) Ayexadohwɛnamɛnu ci mìna kpla akpedo mì nu mìasɔnɔ gbeta nywiwo.

JI DWI NI KPƆ DOJI

3. Lɔn nɔ Bibla adasɛ mɔ nɔ eo

VIDEO: Gɔnmɛɖose ciwo yí le Bibla mɛ le danasɛ mɔ nɔ eo (5:54)

• Nyi yí nyi amɛɖekishinɔnɔblɔɖeɔ?

• Nyi yí taɖo Yehowa na amɛɖekishinɔnɔblɔɖe mìɔ?

• Nyi ena mì ci yí akpedo mì nu mìazan amɛɖekishinɔnɔblɔɖe lɔ nywiɖeɔ?

Nɔ àkpɔ Bibla gɔnmɛɖose kpɔwɛ ɖekaɔ, hlɛn Efezitɔwo 5:15, 16. Gbeje lé àwɛ “a nya gamɛ zanzan” keŋ . . .

• ahlɛnnɔ Bibla blaŋblaŋ.

• anyi asu alo ashi nywi, jila nywi alo evi nywi.

• ayinɔ hamɛ bɔbɔwo.

4. Na kpla ayexadohwɛnamɛnu aotɔ keŋ asɔnɔ gbeta nywiwo

VIDEO: “Ðo ayexadohwɛnamɛnu nywi” (5:13)

• Le video lɔ mɛ ɖe, afɔ ciwo nɔvinyɔnu lɔ ɖe yí sɔ na kpla ayexadohwɛnamɛnu yitɔ keŋ asɔ gbeta ci yí akpe nɔ Yehowaɔ?

Nyi yí taɖo mìdeɖo anu nɔ mɛbuwo mɔ wo le sɔ gbeta do nu nɔ mìɔ? Hlɛn Ebretɔwo 5:14, keŋ agbeje biɔse cɛwo mɛ:

• Ci atɛnŋ ale fafɛɖe mɔ mìanu nɔ mɛbuwo mɔ, wo le sɔ gbeta do nu nɔ mì can ɖe, nyiwo mìwoŋtɔwo ɖo anya vovototo nɔɔ?

• Nyi yí atɛnŋ akpedo eo nu yí nana kpla ayexadohwɛnamɛnu aotɔ keŋ asɔ gbeta nywiwoɔ?

5. Do bubu ayexadohwɛnamɛnu mɛbuwo tɔ nu

Ci mìto vovoɔ, gbeta ciwo mìsɔnɔ can tonɔ vovo. Lé mìawɛ adonɔ bubu ayexadohwɛnamɛnu mɛbuwo tɔ nuɔ? Na mìakpɔ nɔnɔmɛ amɛve ɖekawo:

Nɔnɔmɛ ŋkɔtɔ: Nɔvinyɔnu ɖeka donɔ tawi. Évayi ci hamɛ bu mɛ. Nɔ nɔvi ciwo yí le hamɛ lɔ mɛ kpɔ nyɔnuwo do tawiɔ, eɖenɔ fun nɔ wo.

Hlɛn Rɔmatɔwo 15:1 koɖo 1 Korɛntitɔwo 10:23, 24, keŋ agbeje biɔse cɛwo mɛ:

• Sɔ koɖo kpukpui cɛwo ɖe, gbeta ci nɔvinyɔnu lɔ atɛnŋ asɔɔ? Nyi àwa nɔ èle mɛɖe gbɔ yí ayexadohwɛnamɛnu yitɔ gbe ni mɔ yɛŋgbewa enu ci ayexadohwɛnamɛnu aotɔ lɔn mɔ eɔ le waɔ?

Nɔnɔmɛ amɛvetɔ: Nɔviŋsu ɖeka nya mɔ Bibla degbe mɔ woŋgbenu aha sɛnŋ le dredrenu o. Vɔ ésɔ gbeta mɔ yedanu o. Yɛ koɖo nɔviwo vale ju yí nɔviwo nukɔ aha sɛnŋ.

Hlɛn Ŋununyatɔ 7:16 koɖoRɔmatɔwo 14:1, 10, keŋ agbeje biɔse cɛwo mɛ:

• Sɔ koɖo kpukpui cɛwo ɖe, gbeta ci nɔviŋsu lɔ atɛnŋ asɔɔ? Nyi àwa nɔ èkpɔ mɛbu wakɔ enu ci ayexadohwɛnamɛnu aotɔ gbe nɔ eo mɔ eɔŋgbewaɔ?

Afɔɖeɖe ciwo yí kplɔnɔ amɛ yi gbeta nywiwo sɔsɔ gbɔɔ?

1. Biɔ Yehowa mɔ, yɛ le kpedo ye nu nɔ yeanya gbeta ci yeasɔ.—Ʒaki 1:5.

2. Ji nu gɔnmɛ kpɔ le Bibla koɖo Bibla nukplawemawo mɛ keŋ akpɔ gɔnmɛɖose ciwo yí sɔ koɖo nɔnɔmɛ lɔ. Àtɛnŋ akan seŋ koɖo Kristotɔ bibi ɖe.

3. Bu tamɛ kpɔ so enu ci gbetasɔsɔ lɔ awa nɔ ayexadohwɛnamɛnu aotɔ koɖo mɛbuwo tɔ nu.

ENU CI ÈKPLA

Nɔ mìbunɔ susu ci Yehowa ɖo do ŋɖe nu kpɔ yí gbebunɔ tamɛ kpɔ mɔ enu lɔ akpedo mɛbuwo nu alo adahɛn nu le wo nu maɔ, mìasɔnɔ gbeta nywiwo.

Enumɛtoto

• Lé àwɛ asɔnɔ gbeta ciwo yí kpenɔ nɔ Yehowaɔ?

• Lé àwɛ ana kpla ayexadohwɛnamɛnu aotɔɔ?

• Lé àwɛ ado bubu ayexadohwɛnamɛnu mɛbuwo tɔ nuɔ?

KPƆ ŊCƐWO KPƆ

Lé àwɛ asɔnɔ gbeta ciwo yí ado ŋsɛn exlɔ ci ènyi koɖo Mawuɔ?

“Sɔ gbeta ciwo yí hɛnnɔ kanfukanfu vɛ nɔ Mawu” (Jutakpɔxɔ 15 avril 2011)

Kpla nu sugbɔ so lé Yehowa nanɔ nukplamu mì nu.

Yehowa kplɔnɔ yi mɛwo (9:50)

Kpɔ enu ciwo yí kpedo ŋsu ɖeka nu yí esɔ gbeta gbɔnnu ɖeka.

Kankandoji li mɔ Yehowa yɛana nunywiwo pleŋ mì (5:46)

Kpla nu sugbɔ so lé mìawɛ nɔ mìwo nu akpe nɔ Yehowa nɔ dedo ese ɖe koŋ le nɔnɔmɛ ɖe mɛ o.

“Bibla mɛ se ɖe ele mɔ àkpɔnɔ gashiagamɛa?” (Jutakpɔxɔ 1^er décembre 2003)