ƐNTƐNƐTI JI WEMADADOXU Watchtower Tɔ
Watchtower
ƐNTƐNƐTI JI WEMADADOXU
Aja
À
  • À
  • à
  • Á
  • á
  • É
  • é
  • È
  • è
  • Ɛ
  • ɛ
  • Ɖ
  • ɖ
  • Ó
  • ó
  • Ò
  • ò
  • Ú
  • ú
  • Ù
  • ù
  • Í
  • í
  • Ì
  • ì
  • Ɔ́
  • ɔ́
  • Ɔ̀
  • ɔ̀
  • Ɔ̌
  • Ӡ
  • ӡ
  • BIBLA
  • WEMAWO
  • BƆBƆWO
  • Mi Yesu nyiɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji
    • 1. Mi Yesu nyiɔ?

      Yesu nyi gbɔngbɔnmɛnuwawa sɛnŋsɛnŋ ɖeka ci yí le jeŋkwimɛ. Yehowa Mawu yí wɛ gbɔxwe yí vawa enu kpɛtɛ ciwo pleŋ ewa. Eyi dɔ taɖo woyɔɛni mɔ “Evi ŋkɔtɔ” nɔ enuwawawo pleŋ. (Kolosetɔwo 1:15) Bibla yɔ Yesu mɔ Mawu “Vi akogo” ɖo Yesu ɖekɛ yí Yehowa wa tiin. (Ʒan 3:16) Yesu wa dɔ alɔlealɔmɛ koɖo Dalɔ Yehowa yí kpedo nu le enu kpɛtɛwo pleŋ wawa mɛ. (Hlɛn Elododo Wema 8:30.) Yesu kpɔtɔ nyi evi vevi nɔ Yehowa. Yesu nyi Mawu gbetanatɔ egbejinɔtɔ, eyi taɖo woyɔɛ mɔ “Enyɔ lɔ,” ɖo énunɔ Mawu gbetasɔsɔwo koɖo lé Mawu mɔ woɖo awa nuwo do.—Ʒan 1:14.

  • Lé Yesu ku lɔ atɛnŋ ahwlɛn mì gan doɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji
    • Enukplakpla 27. Woɖekɔ Yesu cɔ si le aci nu.

      ENUKPLAKPLA 27

      Lé Yesu ku lɔ atɛnŋ ahwlɛn mì gan doɔ?

      Mìwanɔ nuvɔn, kpenɔ fun yí kunɔ, ɖo asu koɖo ashi ŋkɔtɔ Adamu koɖo Ɛva gbe to nɔ Mawu.a Vɔ mɔkpɔkpɔ debu do mì o. Ðo Yehowa hun mɔ ɖeka keŋ ahwlɛn mì ti le nuvɔn koɖo ku mɛ to Eviɛ, Yesu Kristo ji. Bibla kpla mì mɔ Yesu to yi ku lɔ ji yí cu tafɛn nɔ mì. Tafɛn nyi efɛn ci woacu keŋ asɔ xɔ amɛ gan. Efɛn ci Yesu cu yí nyi yi gbe maɖoafɛn lɔ. (Hlɛn Matie 20:28.) Ci Yesu lɔn faa sɔ acɛ ci yí le shi yí anɔ agbe tɛgbɛɛ le nyigban ji sa vɔn ɔ, éhun mɔ nɔ mì nɔ mìakpɔ enu ciwo pleŋ Adamu koɖo Ɛva sɔ bu. Yesu gbedasɛ lé yɛ koɖo Yehowa lɔn mì sugbɔ do. Enukplakpla cɛ akpedo mì nu nɔ Yesu ku lɔ ajeŋ nɔ mì doji.

      1. Lé mìawɛ akpɔ nyɔna so Yesu ku lɔ mɛ gbɛɔ?

      Ci enyi nuvɔnwatɔwo mìnyiɔ, mìwanɔ nu sugbɔ ciwo yí dekpenɔ nɔ Yehowa o. Vɔ nɔ mìse vevi do mìwo nuvɔnwo ŋci nyɔnɔnwitɔ yí biɔ sɔsɔke Yehowa to Yesu Kristo ji, koɖo nɔ mìwa ci ji mìkpe keke trɔ jimɛ so mìwo nuvɔnwo mɛɔ, mìatɛnŋ anyi exlɔ veviwo koɖo Mawu. (1 Ʒan 2:1) Bibla nu mɔ: ‘Kristo ku zeɖeka nɔ agɔjejewo. Eyɛ ci yí nyi amɛjɔjwɛ ku nɔ amɛmajɔmajɔ, yí akplɔ mí yi Mawu gbɔ.’—1 Piɛ 3:18.

      2. Lé mìawɛ akpɔ nyɔna so Yesu ku lɔ mɛ le esɔ mɛɔ?

      Yehowa dɔ Yesu ɖaɖa nɔ avasɔ yi gbe maɖoafɛn lɔ na keŋ “nɔ amɛ ɖekpokpwi ci xɔ [Yesu] ji se da trɔn o, vɔ akpɔ agbe mavɔ.” (Ʒan 3:16) To enu ci Yesu wa jiɔ, Yehowa adra enu ciwo pleŋ Adamu tosɛnsɛn lɔ dahɛn do. Ecɛ dasɛ mɔ nɔ mìɖo xɔse do Yesu vɔnsa lɔ nuɔ, emɔ ahun nɔ mì yí mìase vivi nɔ agbe lɔ le nyigban ji le paradiso mɛ tɛgbɛɛ!—Ezai 65:21-23.

      JI DWI NI KPƆ DOJI

      Kpɔ nubu ciwo yí taɖo Yesu sɔ yi gbe na do ta nɔ mì, koɖo lé àwɛ akpɔ nyɔna so mɛ.

      3. Yesu ku lɔ na vovo mì so nuvɔn koɖo ku shi

      Xo VIDEO lɔ, keŋ agbeje nyɔbiɔse ci yí gbɔgbɔ mɛ.

      VIDEO: Nyi yí taɖo Yesu kuɔ?—Akpaxwe 1 (2:01)

      • Ci Adamu gbe to nɔ Mawu ɖe, mɔnukpɔkpɔ ci esɔ buɔ?

      Hlɛn Rɔmatɔwo 5:12, keŋ agbeje nyɔbiɔse ci yí gbɔgbɔ mɛ:

      • Ci Adamu wa nuvɔn ɖe, lɔzu ci yí to so mɛ nɔ eoɔ?

      Hlɛn Ʒan 3:16, keŋ agbeje nyɔbiɔse ci yí gbɔgbɔ mɛ:

      • Nyi yí taɖo Yehowa dɔ Viɛ ɖaɖa nyigban jiɔ?

      A. Foto lɔwo: 1. Adamu gbe to nɔ Mawu. 2. Wokɔ daka ɖeka vayikɔ. Foto lɔwo: A. Adamu gbe to nɔ Mawu. B. Yesu Kristo. B. Foto lɔwo: 1. Yesu Kristo. 2. Mɛ ciwo yí nɔ agbe le hwenu vovovowo mɛ, so akɔta koɖo texwe vovovowo yí ɖo gbaza vovovowo.
      1. Adamu nyi amɛmaɖoafɛn ci yí gbe to nɔ Mawu yí cucu agbetɔwo pleŋ do nuvɔn koɖo ku mɛ

      2. Yesu nyi amɛmaɖoafɛn ci yí se tonu nɔ Mawu yí hun mɔ nɔ agbetɔwo yí woanyi amɛmaɖoafɛnwo keŋ anɔ agbe tɛgbɛɛ

      4. Amɛwo pleŋ atɛnŋ akpɔ nyɔna so Yesu ku lɔ mɛ

      Xo VIDEO lɔ, keŋ agbeje nyɔbiɔse ci yí gbɔgbɔ mɛ.

      VIDEO: Nyi yí taɖo Yesu kuɔ?—Akpaxwe 2 (2:00)

      • Lé amɛwo pleŋ atɛnŋ akpɔ nyɔna so amɛ kuɖeka ku mɛ doɔ?

      Hlɛn 1 Timɔte 2:5, 6, keŋ agbeje nyɔbiɔse ci yí gbɔgbɔ mɛ:

      • Adamu nyi amɛmaɖoafɛn ci yí cucu agbetɔwo pleŋ do nuvɔn koɖo ku mɛ. Yesu can nyi amɛmaɖoafɛn. Taɖo nyi yi ku lɔ wa ci yí dɔ enyi ‘fɛncu ci yí sɔgbeɔ?’

      5. Tafɛn lɔ nyi enunana so Yehowa gbɔ nɔ eo

      Yehowa xlɔwo kpɔnɔ tafɛn lɔ mɔ yɛnyi enu ci wona yewo. Le kpɔwɛ mɛ, hlɛn Galatitɔwo 2:20, keŋ agbeje nyɔbiɔse ci yí gbɔgbɔ mɛ:

      • Lé apotru Pɔlu nu mɔ wosɔ tafɛn lɔ na ye doɔ?

      Ci Adamu wa nuvɔn ɔ, eku yí le kɔ nɔ yɛ koɖo yi jijimɛviwo. Vɔ Yehowa dɔ Eviɛ ɖaɖa yí evaku nɔ emɔ ahun nɔ mì yí mìase vivi nɔ agbe lɔ tɛgbɛɛ.

      Nɔ èhlɛnkɔ kpukpui ciwo yí gbɔkɔɔ, kpɔ lé awa nɔ Yehowa hwenu Eviɛ kpekɔ fun le susu mɛ. Hlɛn Ʒan 19:1-7, 16-18, keŋ agbeje nyɔbiɔse ci yí gbɔgbɔ mɛ:

      • Lé enu ci Yehowa koɖo Yesu wa nɔ eo lɔ, wa nɔ eoɔ?

      MEÐE TƐNŊ BIƆ SE MƆ: “Lé amɛ kuɖeka aku do ta nɔ amɛwo pleŋ doɔ?”

      • Lé àɖo ŋci doɔ?

      ENU CI ÈKPLA

      Yesu ku lɔ dɔ Yehowa atɛnŋ asɔ mìwo nuvɔnwo ke mì, yí mìatɛnŋ anɔ agbe tɛgbɛɛ.

      Enumɛtoto

      • Nyi yí taɖo Yesu kuɔ?

      • Lé Yesu gbe maɖoafɛn lɔ nyi tafɛn ci yí sɔgbe doɔ?

      • Lé àwɛ akpɔ nyɔna so Yesu ku lɔ mɛɔ?

      Ðui awa nu cɛ

      KPƆ ŊCƐWO KPƆ

      Kpɔ ŋci yí taɖo woyɔ Yesu gbe maɖoafɛn lɔ mɔ tafɛn.

      “Lé Yesu vɔnsa lɔ nyi ‘tafɛn nɔ amɛ sugbɔ’ doɔ?” (Àkpɔɛ le siti lɔ ji)

      Kpɔ enu ci mìɖo awa nɔ woahwlɛn mì gan.

      “Lé Yesu hwlɛnnɔ amɛ gan doɔ?” (Àkpɔɛ le siti lɔ ji)

      Yehowa asɔ nuvɔn ganganwo can ke mì drua?

      “Bibla mɛ nyɔbiɔse ciwo wona ɖoŋci nɔ” (Jutakpɔxɔ 1er mai 2013)

      Kpɔ lé nukplakpla so Kristo vɔnsa lɔ nu kpedo ŋsu ɖeka nu etrɔ mɛ ciŋmɛ enyi ɖa.

      “Ŋdegbenyi adanuwatɔ o” (Àkpɔɛ le siti lɔ ji)

      a Denyi enudɔndɔn wawa ɖekɛ yí nyi nuvɔn o. Nɔnɔmɛ manyɔmanyɔ cinɔ ci mìɖu can nyi nuvɔn.

  • Dasɛ mɔ enu ci Yehowa koɖo Yesu wa jeŋ nɔ ye
    Se vivi nɔ agbe lɔ sɔyi mavɔ!—Bibla kplakpla to seŋkankan ji
    • 1. Emɔ ɖeka ci ji mìato adasɛ mɔ enu ci Yehowa koɖo Yesu wa jeŋ nɔ mìɔ?

      Bibla ɖo gbe mɔ “amɛ ɖekpokpwi ci xɔ [Yesu] ji se” atɛnŋ anɔ agbe sɔyi mavɔ. (Ʒan 3:16) Lé mìaxɔ Yesu ji se doɔ? Eyi nyi mɔ, mìadanasɛ xɔse le mìwo gbetasɔsɔwo koɖo mìwo wanawo mɛ. (Ʒaki 2:17) Nɔ mìdanasɛ mɔ mìɖo xɔse to ŋciwo mìwanɔ koɖo enyɔ ciwo mìnunɔ jiɔ, anyi kpɔ mɔ mìdodoɔ ŋsɛn exlɔnyinyi ci yí le mìwo koɖo Yesu koɖo Edalɔ Yehowa gblamɛ.—Hlɛn Ʒan 14:21.

Wema ciwo yí le Ajagbe mɛ (2015-2025)
To le mɛ
Ðo mɛ
  • Aja
  • Miin
  • Cancanwo
  • Copyright © 2025 Watch Tower Bible and Tract Society of Pennsylvania
  • Yizanzan sewo
  • Amɛ ŋtɔ nyɔtakankan totowo
  • Paramètres de confidentialité
  • JW.ORG
  • Ðo mɛ
Miin