Nunɔ nyɔnɔnwi le nushianu mɛ

Mɛshiamɛ jinɔ mɔ yewoaɖo exlɔ ciwo yí tonɔ nyɔnɔnwi. Yehowa can jinɔ mɔ ye xlɔwo le tonɔ nyɔnɔnwi. Vɔ, ecɛ denɔnɔ fafɛɖe le xexe cɛ ci mɛ yí amɛ sugbɔ kankɔ ŋsu le o. Nɔ mɛɖe nunɔ nyɔnɔnwi le enuwo pleŋ mɛ ɖe, nyɔna ciwo yí tonɔ so mɛɔ?

1. Susu vevitɔ ci yí taɖo ele mɔ woanunɔ nyɔnɔnwiɔ?

Nɔ mìnukɔ nyɔnɔnwi nɔ amɛwoɔ, anyi mìdadasɛ nɔ Yehowa mɔ mìluin yí gbebuini. Enyɔ ɖeka ke: Yehowa nyanɔ ŋciwo pleŋ mìbubuɔ kpɔ koɖo ŋciwo pleŋ mìwanɔ. (Ebretɔwo 4:13) Nɔ mìnu nyɔnɔnwiɔ, ényanɔ yí ejɔnɔ ji ni haan. Yi Nyɔ lɔ nu mɔ: “Yehowa gbe amɛbletɔ, vɔ ényinɔ exlɔ bakpomadɔn koɖo amɛjɔjɔɛwo.”—Elododo Wema 3:32, NWT.

2. Ŋciwo mɛ mìanunɔ nyɔnɔnwi le gbeshiagbe ɖewo ɖe?

Yehowa ji mɔ mìwo le ‘to nyɔnɔnwi nɔ mìwonɔnɔwo.’ (Zakari 8:16, 17, NWT) Lé mìase enyɔ cɛ gɔnmɛ doɔ? Nɔ mìle enyɔ ɖekpokpui nukɔ nɔ mìwo xomumɛtɔwo, mìwo dɔmɛkpenawo, kristotɔ nɔviŋsu koɖo nɔvinyɔnuwo alo egawoɔ, mìdekannɔ ŋsu alo blenɔ amɛ domɛ o. Nyɔnɔnwitotɔ definɔ nu le amɛwo shi alo tanɔfu amɛ do o. (Hlɛn Elododo Wema 24:28 koɖo Efezitɔwo 4:28.) Nyɔnɔnwitotɔwo cunɔ wowo taga ciwo pleŋ yí le kɔ nɔ wo. (Rɔmatɔwo 13:5-7) Le nu cɛwo koɖo nubuwo mɛɔ, “mìjinɔ mɔ mìatonɔ nyɔnɔnwi le enuwo pleŋ mɛ.”—Ebretɔwo 13:18, NWT.

3. Nyɔna ciwo yí tonɔ so nyɔnɔnwitoto mɛɔ?

Nɔ amɛwo jeshi mì ɖɛ mɔ mìtonɔ nyɔnɔnwiɔ, woakando mì ji. Adɔ yí vɔnvɔn dali o yí awakɔ nɔ mɛshiamɛ le hamɛ lɔ mɛ mɔ yewole xomu nywi ɖeka ci mɛ wolɔnnɔ amɛ le. Ayexadohwɛnamɛnu mìwotɔ ale mɛmiɖe. Nyɔnɔnwitoto mìwotɔ adɔ “wo a kpɔ mɔ Mawu mìwo Hwlɛngantɔ nukplamuwo nyi enu nyakpɔkpɔ”, yí agbedɔn amɛwo va sɛnsɛn adodwi lɔ mɛ yí woava sin.—Titu 2:10.

JI DWI NI KPƆ DOJI

4. Nyɔnɔnwitoto jɔnɔ ji nɔ Yehowa

Hlɛn Ehajiji Wema 44:21 koɖo Malashi 3:16, keŋ agbeje biɔse cɛwo mɛ:

• Nyi yí taɖo èkpɔɛ mɔ ŋɖɛmanya nuwana anyi nɔ mìbui mɔ mìawla nyɔnɔnwi ɖe druɔ?

• Nɔ mìɖui mɔ mìanu nyɔnɔnwi gan yí egbɔngbɔnnu nɔ mì can ɖe, lé èkpɔ mɔ yɛwanɔ nɔ Yehowaɔ?

5. Nyɔnɔnwitoto le zenɔ le ao wanawo mɛ hweɖekpokpuinu

VIDEO: Nyi yí na wokpɔnɔ jijɔɔ?—Ayexadohwɛnamɛnu nywi (2:32)

Hlɛn Ebretɔwo 13:18, keŋ agbeje lé mìawɛ anyi nyɔnɔnwitotɔwo le . . .

• mìwo xomu mɛ.

• dɔmɛ alo suklu.

• nubu ɖewo mɛ.

6. Nyɔna ciwo àkpɔ nɔ ètonɔ nyɔnɔnwiɔ?

Le tɔtɔmɛɔ, etɛnŋ wa nɔ eo mɔ nyɔnɔnwitoto hɛnnɔ cukaɖawo vɛ nɔ amɛ. Vɔ le yiyimɛɔ, àvakpɔɛ mɔ eyi nyi enunywitɔ ci èɖo awa. Hlɛn Ehajiji Wema 34:12-16, keŋ agbeje biɔse cɛ mɛ:

• Lé nyɔnɔnwitoto aotɔ adɔ ao gbe agbevanyɔ doji doɔ?

1. Nɔ asu koɖo ashi tonɔ nyɔnɔnwi nɔ wowonɔnɔwoɔ, ecɛ donɔ ŋsɛn wowo lɔlele

2. Nɔ dɔwatɔwo tonɔ nyɔnɔnwiɔ, dɔmɛgawo kannɔdo wo ji

3. Nɔ jumɛviwo tonɔ nyɔnɔnwiɔ, edɔ egawo xonɔ nuxu nywi so wo nu

ENU CI ÈKPLA

Yehowa jinɔ mɔ ye xlɔwo le tonɔ nyɔnɔnwi le nuxu koɖo wana ɖeshiaɖe mɛ.

Enumɛtoto

• Nyiwo mɛ mìɖo atonɔ nyɔnɔnwi leɔ?

• Nyi yí taɖo èkpɔɛ mɔ ŋɖɛmanya nuwana anyi nɔ mìbui mɔ mìawla nyɔnɔnwi ɖe druɔ?

• Nyi yí taɖo èjinɔ mɔ yeatonɔ nyɔnɔnwi hweshiahwenuɔ?

KPƆ ŊCƐWO KPƆ

Lé jilawo atɛnŋ akpla nyɔnɔnwitoto wowo viwo doɔ?

Nyì nyɔnɔnwitotɔ (1:44)

Nɔ mìwanɔ do egbe ciwo mìɖo ji ɖe, nyɔna ciwo yí tonɔ so mɛɔ?

Wa do ao gbeɖuwo ji yí akpɔ yayrawo (9:09)

Mìɖo acu taga nɔ mìdenya ŋci woasɔ wa can a?

“Èɖo acunɔ tagaa?” (Jutakpɔxɔ 1^er septembre 2011)

Nyi yí dɔ ŋsu ɖeka ci yí kannɔ ŋsu sa vatrɔ yi gbenɔnɔ keke vatɔ edɔ wawa le dɔwaxu ɖeka ci mɛ wotonɔ nyɔnɔnwi leɔ?

“Ŋkplɛ mɔ Yehowa kunɔ ŋshishi nɔ amɛ yí gbesɔ nuvɔnwo kenɔ amɛ” (Jutakpɔxɔ 1^er mai 2015)