Lé Woakpla Nu Do

Tekpɔ nɔ “gbɔngbɔn mɛ hawo” acinɔ tamɛ nɔ eo

“Nɔ gbeɖowogbe ŋci nulolokpɔ mɛɔ, Yehowa tonɔ eha ciwo yí le JW Televiʒiɔn^® ji sɔ donɔ ŋsɛnŋ.”—Lorraine, États Unis

Kristotɔwo jinɔ “gbɔngbɔn mɛ hawo” yí sɔ kannɔfu Mawu. (Kol. 3:16) Nɔ èle eha cɛwo do tamɛɔ, àtɛnŋ aji wo fafɛɖe nɔ degbekpɔ wema ji alo telefonu mɛ can. Te enu ciwo mìakpɔ yɛ kpɔ keŋ asɔ lenɔ eha lɔwo do tamɛ.

Wa ɖaŋ ahlɛnnɔ enyɔgbe lɔwo yí amɔŋje wo mɛ. Nɔ èmɔŋje enyɔ lɔwo mɛɔ, àtɛnŋ avaɖo ŋwi wo fafɛɖe. Woŋwlɛ eha ciwo pleŋ mìjinɔ, ehakpakpawo koɖo ɖeviwo hawo do jw.org ji. Yi wemawo kpaxwe yí asɔ eha.
Ŋwlɛ hagbe lɔwo do wema ji. Ecɛ ana enyɔgbe lɔwo aci susu mɛ nɔ eo sɔwu.—2 Ese. 17:18.
Kɔ gbe yi ji ajinɔ eha lɔwo. Hlɛn wo alo aji wo zenɛniɖe.
Kpɔ mɔ yelé eha lɔwo do susu mɛ ma. Trɔ aji eha lɔ ehagbe lɔwo makpɔ keŋ avakpɔ mɔ yeji wo nywiɖe ma.