2. Lé mìawɛ adasɛ mɔ mìdele akpa ɖekɛ jiɔ?

Shigbe Yesu nɛɔ, mìdedonɔ nu politiki nyɔwo mɛ o. Ci amowo kpɔ enujiŋ ciwo Yesu wa yí ji mɔ yewoasɔ ɖo fyɔɔ, delɔn nɔ wo o. (Ʒan 6:15) Nyi yí taɖoɔ? Ðo évanu mɔ: “Anyi fyɔɖuɖu de le xexe cɛ mɛ o.” (Ʒan 18:36) Ci mìnyi Yesu nukplaviwoɔ, mìdanasɛ le enu sugbɔ mɛ mɔ, mìdele akpa ɖekɛ ji o. Le kpɔwɛ mɛ, mìdeyinɔ ahwa o. (Hlɛn Mishe 4:3.) Mìdonɔ bubu jukɔn lɔ jeshidunuwo nu. Ðeka yí nyi drapo; ele ahan gan, mìdejinɔ ha nɔ wo alo sɛnnɔ wo o. (1 Ʒan 5:21) Mìdexɔnɔ do politiki kpaxwe ɖekɛ ji o. Gbesɔ kpe niɔ, mìdetrɔnɔkpe politikiwatɔ ɖe alo danɔ akɔ nɔ ɖe o. Le nɔnɔmɛ cɛwo koɖo ebuwo mɛɔ, mìdanasɛ keŋkeŋ mɔ, Mawu cɛkpakpa ci yí nyi yi Fyɔɖuxu lɔ yí mìle gbeji nɔ.

4. Ŋgbenɔ akpa ɖekɛ ji le susu koɖo nuwana mɛ o

Hlɛn 1 Ʒan 5:21. Yi goduɔ, xo VIDEO lɔ keŋ agbeje nyɔbiɔse ciwo yí gbɔgbɔ mɛ.

VIDEO: Enu ci yí taɖo Kristotɔ adodwiwo ʒan edɔngbegbe—Keŋ akpɔtɔ anyi akpaɖekɛjimanɔtɔwo (2:49)

• Le video lɔ mɛɔ, Ayenge sɔ gbeta mɔ yedaɖu politiki zan koɖo amowo alo awa eju lɔnlɔn kɔnu ɖe o; le kpɔwɛ mɛ, égbe mɔ yedaji ha nɔ drapo o. Nyi yí taɖo ewɛ ahan ɔ?

• Ci èkpɔɛ ɖe, gbeta nywi esɔa?

Nɔnɔmɛ bu ciwo yí atɛnŋ ado akpaɖekɛjimanɔmanɔ mìwotɔ kpɔɔ? Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.

VIDEO: Enu ciwo mìkpla le Jutakpɔxɔ mɛ—Kpɔtɔ anyi akpaɖekɛjimanɔtɔ le xexe ci yí ma mɛ (5:16)

• Lé mìawɛ yí mìdanɔ akpa ɖekɛ ji hwenu kanmɛtetɔ ciwo yí so jukɔn vovovo mɛ nɔ xexe lɔ wakɔ ehwlɛn ɔ?

• Lé mìawɛ yí mìdanɔ akpa ɖekɛ ji nɔ gbeta ciwo politikiwatɔwo sɔ kan mì tiin ɔ?

• Lé nyɔjɔjɔwo sese koɖo mɛ ciwo mìdonɔ ha koɖo atɛnŋ ana agbɔnnu nɔ mì mɔ mìdanɔ akpa ɖekɛ jiɔ?