• Nyɔnɔnwi ci yí kudo mawudɔlawo nuɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 2. Mi Satana koɖo yi gbɔngbɔnvɔnwo nyiɔ?

      Mawudɔla ɖewo degbevanɔ gbeji nɔ Yehowa o. Mawudɔla ŋkɔtɔ ci yí fɔn gu yí nyi “Ahobi alo Satan. É kplɔ xexe lɔ keŋkeŋ toto emɔ vɔn ji.” (Enyɔdasɛ 12:9) Satana ji mɔ yeakpa acɛ do mɛbuwo ji, eyi taɖo eble Adamu koɖo Ɛva, yi godu evable mawudɔla buwo yí wofɔn gu do Yehowa ji. Egufɔntɔ cɛwo woyɔnɔ mɔ gbɔngbɔnvɔnwo. Yehowa nya wo ti le jeŋkwi mɛ ɖaɖa nyigban ji, yí woavagu wo.—Hlɛn Enyɔdasɛ 12:9, 12.

      3. Lé Satana koɖo gbɔngbɔnvɔnwo tenɔkpɔ mɔ yewoable mì doɔ?

      Satana koɖo gbɔngbɔnvɔnwo ble amɛ sugbɔ to gbɔngbɔnyɔyɔ ji. Enyi nuwana dɔndɔn ci mɛ wotenɔkpɔ le mɔ yewoaxo nuxu koɖo gbɔngbɔnwo. Le kpɔwɛ mɛ, mɛɖowo biɔnɔ nyɔ wlecivimɛfankantɔwo, hajuwatɔwo, efankantɔwo koɖo bokɔnɔwo se. Mɛbuwo jinɔ dɔ̀dadamɔnu ciwo mɛ wozannɔ gbɔngbɔnyɔyɔ le. Wogbeflunɔ amɛwo mɔ woatɛnŋ axo nuxu koɖo mɛkukuwo dru. Vɔ Yehowa kanxle mì mɔ: “Mí ŋgbe yì tashinɔwo gbɔ alo bokɔnɔwo gbɔ . . . o.” (1 Ese Wema 19:31) Énu amɛkanxlenyɔ cɛ nɔ mì keŋ asɔ glɔn ta nɔ mì so Satana koɖo gbɔngbɔnvɔnwo shi. Mawu ketɔnɔwo wonyi, yí ji mɔ yewoadahɛn nu le mì nu.

  • Nyɔnɔnwi ci yí kudo mawudɔlawo nuɔ?
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 6. Ðu ahwa ci èwakɔ koɖo Satana koɖo gbɔngbɔnvɔnwo ji

      Satana yí kpa nɔ gbɔngbɔnvɔnwo. Vɔ Mawudɔlawo ga Mishɛli kplɔnɔ mawudɔla egbejinɔtɔwo; Yesu yí wogbeyɔnɔ mɔ Mishɛli. Lé Mishɛli sɛnŋ doɔ? Hlɛn Enyɔdasɛ 12:7-9, keŋ akan seŋ so nyɔbiɔse cɛwo nu:

      • Miwo yí sɛnŋ wuɔ? Mishɛli koɖo yi mawudɔlawoa, alo Satana koɖo yi gbɔngbɔnvɔnwo?

      • Ci èkpɔɛ ɖe, eʒan mɔ Yesu dokplɔtɔwo avɔn nɔ Satana koɖo yi gbɔngbɔnvɔnwoa?

      Àtɛnŋ aɖu ahwa ci èwakɔ koɖo Satana koɖo yi gbɔngbɔnvɔnwo ji. Hlɛn Ʒaki 4:7, keŋ akan seŋ so nyɔbiɔse cɛ nu:

      • Lé àwɛ aglɔn ta nɔ eɔɖeki so Satana koɖo gbɔngbɔnvɔnwo shiɔ?

  • Mawu Fyɔɖuxu lɔ le acɛ kpakɔ yɛ!
    Se vivi nɔ agbe lɔ sɔyi mavɔ!—Bibla kplakpla to seŋkankan ji

    • 2. Lé enuwo yikɔ do le xexeɛ mɛɔ, yí lé amowo wakɔ nu do so xwe 1914 mɛɔ?

      Yesu nukplaviwo biɔɛ se mɔ: ‘Nyi yí avanyi jeshidu nɔ ao trɔtrɔgbɔ koɖo xexe lɔ vɔvɔnuɔ?’ (Matie 24:3) Ci Yesu aɖo ŋci nɔ woɔ, éxo nuxu so enu sugbɔ nu mɔ woajɔ hwenu atɔ acɛ kpakpa le jeŋkwi mɛ shigbe Mawu Fyɔɖuxu lɔ Fyɔ hannɛ godu. Enu lɔwo ɖowo yí nyi ahwawawawo, ejutotwiwo koɖo nyigbanhunhunhunwo. (Hlɛn Matie 24:7.) Bibla gbedre mɛ mɔ lé agbetɔwo awawa nu do le “ŋkeke vɔvɔwo mɛ” adɔ yí “cukaɖa sugbɔ a va” amowo ji. (2 Timɔte 3:1-5) So xwe 1914 mɛ koŋ yí ŋciwo jɔjɔ le xexeɛ mɛ koɖo adɛn ciwo agbetɔwo wuwuɔ vanyinakɔ doji.

      3. Nyi yí taɖo enuwo gbevanyinakɔ doji so hwenu Mawu Fyɔɖuxu lɔ tɔ acɛ kpakpaɔ?

      Ci Yesu tɔ acɛ kpakpa le Mawu Fyɔɖuxu lɔ mɛ de jinjin ɔ, éwa ahwa koɖo Satana koɖo yi gbɔngbɔnvwinwo le jeŋkwi mɛ. Satana deɖu ji o. Bibla nu mɔ “wo dɔ edan lɔ koɖo yi dɔdɔlawo ɖaɖa nyigban ji.” (Enyɔdasɛ 12:9, 10, 12) Satana le dɔmɛzi ji keke, ɖo énya mɔ woagu ye si sabaɖe yɛ. Eyi taɖo ena yí amowo seseɛ vevi yí gbekpekpeɛ fun le nyigban lɔ keŋkeŋ ji. Edɔ mìmɔŋje ŋci yí taɖo enuwo fɔn yí dɔndɔn doji le xexegbɛ lɔ mɛ! Mawu Fyɔɖuxu avakpɔ cukaɖa cɛwo pleŋ gbɔ.