KRISTOTƆWO GBENƆNƆ
Hwenu yí natɛnŋ agbewa kpedonu mɔɖeɖedɔ lɔɔ?
Ezekiɛli gbedoxɔ ŋtegannukpɔkpɔ lɔ dasɛ mɔ Yehowa sɛntɔwo sɔnɔ wowoɖekiwo jonɔ faa. Lé mìwo domɛtɔ ɖekaɖeka atɛnŋ awa kanfukanfuvɔnsawo le eŋɛnywi lɔ dradra mɛ doɔ?—Ebre 13:15, 16.
Emɔ nywi ɖeka yí nyi mɔ woanyi kpedonu mɔɖetɔ. Le sumɔsumɔ xwe 2018 mɛɔ, wleci sugbɔ ɖo zozangbe amatɔn alo kwɛshilagbe amatɔn. Ecɛ nyi mɔnukpɔkpɔ nɔ axɔsudɔwatɔ ciwo yí ɖenɔ kunu le kwɛshila vɔvɔnu ɖekɛ mɔ woawa sugbɔ le eŋɛnywidradradɔ lɔ mɛ. Gbesɔ kpedo nuɔ, eŋɛnywidratɔwo atɛnŋ asɔ gaxoxo 30 alo 50 wa tajinu le Mars koɖo Avril wleciwo mɛ koɖo le wleci ciwo mɛ yí ekán lɔ mɛ hamɛwo jikpɔtɔ ava.
Lé mìawɛ nɔ nɔnɔmɛ ciwo mɛ mìle deɖe mɔ yí mìanyi kpedonu mɔɖetɔwoɔ? Mìatɛnŋ aje agbla yí akeke mìwo kunuɖeɖedɔ doji yí agbena yí anyɔ. Nɔnɔmɛ ɖeshiaɖe ci mɛ mìle can ɔ, mína nɔ lɔnlɔn ci mìɖo nɔ Yehowa acucu mì yí mìasɔ mìwoɖekiwo jo awa sugbɔ le sumɔsumɔ xwe 2018 mɛ!—Oze 14:2.
Lé natɛnŋ adasɛ ezonɔamɛmɛ do shigbe mɔ Sabina Hernández hannɛɔ?
KPƆ VIDEO CI YÍ NYI SABINA HERNÁNDEZ—YEHOWA TA, MATE ŊU AWƆ NU SIA NU KLOE, KEŊ ANA ÐOŊCI NƆ ENYƆBIƆSE CIWO YÍ GBƆGBƆ:
Nyi yí cucu Sabina yí ewakɔ sugbɔ le Yehowa sumɔsumɔdɔ lɔ mɛɔ?
Lé Sabina kpɔwɛ lɔ do zo lanmɛ nɔ eo doɔ?
Le sumɔsumɔ xwe 2018 mɛ ɖe, wleci ciwo mɛ yí àtɛnŋ awa kpedonu mɔɖeɖedɔ lɔ leɔ?