Mína nɔ mìwo kunuɖeɖe mɔnuwo anyɔ doji—Lɛta nywiwo ŋwlɛnŋwlɛn

ENU CI YÍ NA ELE VEVIÐE: 1 Korɛntitɔwo wema lɔ nyi ɖeka le wema 14 ciwo yí apostolo Pɔlu ŋwlɛn, yí sɔ do ŋsɛn yi kpena Kristotɔwo mɛ. Nɔ mɛɖe ŋwlɛnkɔ lɛtaɔ, égbɔnnɔ ji ɖɛ yí cannɔ yi nyɔgbewo nywiɖe, yí ecwinnɔ nɔ mɛ ci wosɔɛ ɖaɖa yí agbetɛnŋ avahlin zenɛniɖe. Lɛtawo nyi emɔ nywi ɖeka ci ji woato aɖe kunu nɔ xomumɛtɔwo koɖo amɛnyanyiwo. Wogbenyi emɔ nywi ciwo ji mìato aɖe kunu nɔ mɛ ciwo yí mìdatɛnŋ akpɔ o. Le kpɔwɛ mɛ, nyɔnɔnwi lɔ atɛnŋ ajɔ ji nɔ mɛɖe, vɔ yi kpɔkpɔ le axomɛ agbɔnnu sugbɔ. Mɛɖewo kpɔkpɔ atɛnŋ agbɔnnu, ɖo wole axwe ciwo yí wocɔnɔ veviɖe koɖo axwe sugbɔ ciwo yí wocu gbogbu trɔdo mɛ, alo wole jinjintɔxu. Nyiwo yí anɔ susu mɛ nɔ mì, vevitɔ hwecinu mìŋwlɛnkɔ lɛta nɔ mɛ ci mìdejeshi ɖɛɔ?

LÉ MÌAWƐ DO:

• 

  Enyɔ ci ànu nɔ èkpɔ amɛ lɔ sa yí àŋwlɛn do lɛta lɔ mɛ. Dre eoɖeki le tɔtɔmɛ nɔ lɛta lɔ, yí anu enu ci yí taɖo èŋwlɛnkɔ nu lɔ yí yi mɛ akɔ petii. Àtɛnŋ awa nyɔbiɔse ɖe ci nu amɛ lɔ abu tamɛ kpɔ so, yí adɔn yi susu yi mìwo siti ji. Le yi goduɔ, xo nuxu so lé mìwanɔ Bibla nukplakpla koɖo amɛwo do le wowo xomɛ nu, alo ayɔ enyɔta ɖewo le Bibla nukplawema mìwo tɔ ɖeka mɛ. Mìatɛnŋ asɔ wemawo shigbe mɔ, jw.org kati, amɛyɔwemavi ɖe, alo trakti ɖe sɔ bɔ do lɛta lɔ nu

• Nɔ kleŋ. Lɛta lɔ ŋgbejinjin sugbɔ o. Nɔ denyi ahan ɔ, yi hlɛnhlɛn avacikɔ nɔ mɛ ci èsɔɛ ɖaɖa.​—Kpɔ kpɔwɛ lɛta kleŋ ɖeka ci yí le kpashi 8 ji

• Trɔ ato lɛta lɔ mɛ yí adra afɛnwo pleŋ do. Kando ji mɔ lɛta lɔ dexo ɖyi o, yí yi hlɛnhlɛn le fafɛɖe. Gbekando ji mɔ, yesɔ ayejeje nu enyɔ lɔ koɖo exlɔnyinyi le emɔ nywi ji