Wana nywi koɖo bubu citocito na asu alo ashiwo xɔkɔ nyɔnɔnwi lɔ

Blaŋblaŋ ɔ, nyɔnu ɖe ci yí vatrɔ Kristotɔ wana nywiwo yí dɔ asuɔ valɔn yí xɔnɔ nyɔnɔnwi lɔ hɛnnɛ. Vɔ ecɛ ʒan ejidodo le nɔnɔmɛ sɛnŋsɛnŋwo mɛ na nɔ exwe sugbɔ. (1 Piɛ 2:21-23; 3:1, 2) Nɔ wowakɔ enumajɔmajɔ do eo nuɔ, kpɔtɔ asɔ nunywi aɖukɔ nuvwin ji. (Rɔm 12:21) Taŋfuin asuo delɔn senɔ enyɔ ciwo ènunɔ ni so Yehowa nu gbeɖe o. Vɔ nɔ ékpɔkɔ kpɔwɛ nywi ci èɖokɔɔ, atɛnŋ ana lé ekpɔnɔ nyɔnɔnwi lɔ do atrɔ bu.

Tekpɔ asenɔ nu gɔnmɛ nɔ asuo abi ashio. (Fili 2:3, 4) Sɔ eoɖeki ɖonɔ yi dumɛ yí agbesenɔ vevi do nu. Sɔ bubu wanɔ ao dɔwo lé àkpe ji do. Ðonɔ to nywiɖe. (Ʒaki 1:19) Gbɔnnɔ ji ɖɛ yí ana kankandoji asuo abi ashio mɔ yeluin. Nɔ asuo abi ashio devasɔ xomɛvu koɖo bubu wanɔ nu koɖo eo nywiɖe gbeɖe shigbe lé èwɛni do hannɛ can ɔ, kando ji mɔ egbejinɔnɔ ao tɔ jekɔŋ nɔ Yehowa.—1 Piɛ 2:19, 20.

KPƆ VIDEO CI YÍ NYI YEHOWA DOKƆ ŊSƐN MÌ NƆ MÌASƆ MÌWO GBAN, KEŊ ANA ÐOŊCI NƆ NYƆBIƆSE CIWO YÍ GBƆGBƆ:

• Lé enuwo nɔ do nɔ Grace Li le tɔtɔmɛ nɔ yi lɔleleɔ?

• Nyi yí na exɔ nyɔnɔnwi lɔɔ?

• Lé nɔvinyɔnu Li do ji le cukaɖawo mɛ do le ʒinʒindoshimɛ yi tɔ goduɔ?

• Gbedodoɖa ci nɔvinyɔnu Li wa so asuɔ nuɔ?

• Nyɔna ciwo nɔvinyɔnu Li kpɔ le wana nywi koɖo bubu citocito dadasɛ mɛɔ?