Lé Mìawɛ Yí Mawu Akpɔ Jijɔ Do Mì Nuɔ?

Shi nɔ enu vwinwawa. 1 Korɛntitɔwo 6:9, 10

Nɔ mìlɔn Yehowaɔ, mìdawa enu ci yí délɔnnɔ o.

Efififi, ahanumu, alo egbe vwin yɔyɔ dejɔnɔ ’ji nɔ Yehowa o.

Amɛwuwu, efukɔkɔ, ŋsu adɔn koɖo ŋsu, nyɔnu adɔn koɖo nyɔnu, ŋbia koɖo evuwawa nyi enu ciwo yí Mawu delɔnnɔ o.

Mìdeɖo ’gbe asɛn vojuwo alo awa gbɔngbɔnyɔyɔ ’nu ɖe o.

Dajinjin o, nyigban atrɔ Paradiso. Vɔ wodaɖe ’mɔ nɔ enu baɖawatɔwo anɔ mɛ o.

Wa enu nywi. Matie 7:12

Nɔ mìji mɔ míado jijɔ nɔ Yehowaɔ, mìatekpɔ anɔ shigbe’yɛ ŋtɔ hanci ’nɛ.

Dasɛ nɔ amɛwo mɔ yelɔn wo to xomɛvuwawa koɖo enunana wo ji.

Nyi nyɔnɔnwitotɔ.

Nyi ŋshishikunɔamɛtɔ yí asɔnɔ amɛwo gɔjejewo ’ke wo.

Xo nuxu so Yehowa koɖo yi ’nuwanawo nu nɔ amɛwo.—Ezai 43:10.